《客語白話字聖經試讀版》

 | | | 轉寄

Yok-hon Fuk-yîm, Thi-20-tsông_2 Yâ-sû tui Mat-thai-lâ ke Mâ-li-â Hién-hien

作者 Hak-ngî Sṳn-kîn 2009.11.01

約 20:11 Mâ-li-â hàn khî tshai fùn-mu ngoi keu; kì yit-phién keu, yit-phién thâm-thèu khon fùn-mu tî-tú.
約 20:12 Tshiu khon-tó lióng-ke tsok pha̍k-sâm ke thiên-sṳ́ ,tshô tshai Yâ-sû ke sṳ̂n-sṳ̂ ke-vi, yit-ke tshai thèu liá-phién, yit-ke tshai kiok ke-phién.
約 20:13 Kì-têu tshiu mun kì kóng: “Fu-ngìn-kâ, ngì tso-mak-ke keu?” Kì tshiu tui kì-têu kóng: “He yîn-vi kì-têu sái-khôi ngài-ke Tsú, ngài ya m̀ tî kì-têu tsiông Kì piong tshai nai-vi?”
約 20:14 Kóng-liáu, kì tshiu tsón-sṳ̂n, khon-tó Yâ-sû khî tshai ke, ya m̀ tî Kì tshiu-he Yâ-sû.
約 20:15 Yâ-sû tshiu tui kì kóng: “Fu-ngìn-kâ, ngì tso-mak-ke keu? He sióng má-ngìn?” Mâ-li-â láu-tó he kón fâ-yèn ke ngìn, tshiu tui kì kóng : “Sîn-sâng, ká-sṳ́ Ngì yû sái-tséu Kì, tshiáng lâu ngài kóng ngì piong tshai nai-vi, ngài hó tsiông Kì sái-tsón-lòi.”
約 20:16 Yâ-sû tui kì kóng: “Mâ-li-â.” Mâ-li-â tshiu tsón-sṳ̂n, yung Hî-pak-lòi-fa tui Kì kóng: “Lâ-pô-nì”; tshiu-he kóng: “Sîn-sâng”.
約 20:17 Yâ-sû tui kì kóng: “M̀-hó lâi-tén Ngài; yîn-vi Ngài hàn-màng sông-hi kien Â-pâ;m̀-ku ngì hi Ngài-ke hiûng-thi ke-vi , lâu kì-têu kóng,Ngài oi sông-hi kien Ngâ Â-pâ, lâu ngì-têu ke Â-pâ, tshiu-he Ngài-ke Song-tsú lâu ngì-têu ke Song-tsú.”
約 20:18 Mat-thai-lâ ke Mâ-li-â tshiu-lòi lâu tsung-mùn-thù kóng: “Ngài yû khon-tó Tsú”; yu tsiông Tsú lâu kì kóng ke fa po pûn kì-têu tî.