《客語白話字聖經試讀版》

 | | | 轉寄

Yok-hon Fuk-yîm, Thi-20-tsông_1 Khûng ke Fùn-mu

作者 Hak-ngî Sṳn-kîn 2009.10.25

約 20:1 Lî-pai-ngit tá-tsó, thiên hàn-màng kông ke sṳ̀, Mat-thai-lâ ke Mâ-li-â tsó-tsó tshiu lòi-to fùn-mu, khon-tó fûng-tén fùn-mu ke sa̍k-thèu yí-kîn sái-khôi lé.
約 20:2 Só-yî kì tshiu tséu-hi tshìm Sî-mùn Pí-tet lâu Yâ-sû só oi-siak ke mùn-thù, tshiu tui kì-têu kóng: “Kì-têu tsiông Tsú sái-tshut fùn-mu, ngài-têu m̀ tî kì-têu tsiông Kì piong tshai nai-vi.”
約 20:3 Pí-tet lâu ke mùn-thù tshiu lòi-to fùn-mu.
約 20:4 Lióng-sà khiung-ha tséu, ke mùn-thù tséu-siên-hàng, kiak-ko Pí-tet, tshiu siên-to fùn-mu.
約 20:5 Kì thâm-sṳ̂n hi khon, tshiu khon-tó mà-sâ hàn liù tshai ke-vi; m̀-ku kì mò ngi̍p-hi.
約 20:6 Sî-mùn Pí-tet ya thèn-tén lòi-to, tshiu ngi̍p fùn-mu, khon-tó mà-sâ hàn liù tshai ke-vi.
約 20:7 Yu khon-tó Yâ-sû ke thèu-kîn ya liù tshai ke-vi, m̀-he lâu mà-sâ khiung-ha, he kiên-tén tshai phe̍t-vi.
約 20:8 Siên-lòi ke mùn-thù, ya ngi̍p-hi fùn-mu, khon-tó tshiu m̀ sin.
約 20:9 Yîn-vi kì-têu hàn-màng mìn-pha̍k Sṳn-kîn só kóng, “Yâ-sû yin-tông tui sí fu̍k-fa̍t”ke yi-sṳ.
約 20:10 Yèn-heu lióng-ke mùn-thù tshiu tsón-hi tshṳ-kâ ke vuk-hâ.