《客語白話字聖經試讀版》

 | | | 轉寄

Yok-hon Fuk-yîm, Thi-19-tsông_4 Yâ-sû ke Mài-tsong

作者 Hak-ngî Sṳn-kîn 2009.10.18

約 19:38 Liá-têu sṳ tsṳ̂-heu, A-li-mâ-thai-ngìn ke Yok-sit, tshiu-he Yâ-sû yit-ke mùn-thù (yîn-vi kiâng Yù-thai-ngìn ke liâng-siu, thu̍k-he tshai am-tsûng, ) liá-sà khiù Pí-lâ-tô tsún kì liâng Yâ-sû ke sṳ̂n-sṳ, Pí-lâ-tô tshiu tsún kì-ke tshiáng-khiù.
約 19:39 Ke tshai am-pû-thèu sṳt lòi kien Yâ-sû ke Nì-kô-tet-mu lâu Yok-sit khiung-ha lòi, tai mu̍t-yo̍k lâu tshṳ̀m-hiông siông-tshâm, thai-yok yû sâm-sṳ̍p kûng-kîn.
約 19:40 Kì-têu tshiu tsiông Yâ-sû ke sṳ̂n-thí yung tshû-pu-thiàu lâu ke-têu hiông-liau tshàn-hó, tseu Yù-thai-ngìn ôn-tsong ke lî.
約 19:41 Tshai Yâ-sû tâng sṳ̍p-sṳ-ka ke thi-fông yû yit-ke fâ-yèn; tshai yèn-lî yû yit-tsak m̀-sṳt tsong-ko ngìn ke fùn-mu.
約 19:42 Yîn-vi ke-ngit he Yù-thai-ngìn Ôn-sit-ngit ke tshièn-yit-ngit, ke fùn-mu yu tshin khiûn, kì-têu tshiu tshai ke-vi tsong Yâ-sû.