《客語白話字聖經試讀版》

 | | | 轉寄

Yok-hon Fuk-yîm, Thi-16-tsông_3 Yàng-ko Sṳ-kie

作者 Hak-ngî Sṳn-kîn 2009.07.19

約 16:25 “Ngài tui ngì-têu yung pí-yi kóng liá-têu sṳ; Tsúng-he sṳ̀-heu voi to lé, Ngài tshiu mò tsai yung pí-yi lâu ngì-têu kóng,he-oi mìn-mìn tsiông Â-pâ ke sṳ lâu ngì-têu kóng.
約 16:26 Tshai ke-ngit, ngì-têu oi tshâi Ngài-ke miàng lòi khiù; Ngài m̀-he lâu ngì-têu kóng, Ngài oi vi-tsho̍k ngì-têu khiù Â-pâ,
約 16:27 Yîn-vi Â-pâ tshṳ-kâ oi-siak ngì-têu, yîn-vi ngì-têu ya oi-siak Ngài, ya sin Ngài he tshiùng Â-pâ ke-vi tshut-lòi ke.
約 16:28 Ngài tshiùng Â-pâ ke-vi lòi-to liá sṳ-kie; liá-ha Ngài oi lì-khôi liá sṳ-kie, tsón-hi Â-pâ ke-vi hi.”
約 16:29 Kiâ mùn-thù kóng: “Khon â ! Liá-ha Ngì he mìn-mìn kóng, mò yung mak-ke pí-yi.
約 16:30 Liá-ha ngài-têu tî Ngì he vù-só-put-tî, mò sî-yeu ngìn tui Ngì kóng tshut kì-ke mun-thì; tshiùng án-ngiòng ngài-têu tshiu sin Ngì he tshiùng Song-tsú ke-vi tshut-lòi ke.”
約 16:31 Yâ-sû en kì-têu kóng: “Ngì-têu liá-ha tsang sin mâ?
約 16:32 Khon â! Sṳ̀-heu oi to lé, ngì-têu oi fûn-san tshai kok-ngìn tshṳ-kâ ke thi-fông, liù-hâ Ngài tshṳ-kâ yit-sà, tsúng-he Ngài ya m̀-he kû-tân, yîn-vi Â-pâ lâu Ngài thùng-tshai.
約 16:33 Ngài lâu ngì-têu kóng liá-têu fa, sṳ́ ngì-têu sâng tshai Ngài tî-poi tet-tó phìn-ôn. Tshai sṳ-kiên ngì-têu yû kân-khú; tsúng-he ngì-têu oi yúng-kám, Ngài ya yàng-ko liá sṳ-kiên lé.”