《客語白話字聖經試讀版》

 | | | 轉寄

Yok-hon Fuk-yîm, Thi-16-chông_2 Yù-seù Pien Khoai-lo̍k

作者 Hak-ngî Sṳn-kîn 2009.07.12

約 16:16 Ko mò kí-kiú, ngì-teû chhiu khon Ngài m̀ tó; yu chai ko mò kí-kiú, ngì-teû yu voi khon-tó Ngài.
約 16:17 Mùn-thù chûng yû ngìn pí-chhṳ́ kóng: “Kì lâu ngài-teû kóng: ‘Ko mò kí-kiú, ngì-teû khon Ngài m̀ tó; yu chai ko mò kí-kiú, ngì-teû yu voi khon tó Ngài’; yu kóng: ‘Yîn-vi Ngài chón-hi chhai Â-pâ ke-vi’, liá-teû fa he mak-ke yi-sṳ né?”
約 16:18 Kì-teû chhiu kóng: “Kì só kóng, ‘Ko mò kí-kiú’, liá-ke fa he mak-ke yi-sṳ né? Ngài-teû m̀ tî Kì kóng mak-ke. ”
約 16:19 Yâ-sû khon-chhut kì-teû sióng-oi mun Kì, chhiu tui kì-teû kóng: “Ngài kóng: ‘Ko mò kí-kiú, ngì-teû khon Ngài m̀ tó; yu chai ko mò kí-kiú, ngì-teû yu voi khon tó Ngài’; ngì-teû yîn-vi liá-ki fa mun lòi mun hi mâ?”
約 16:20 Ngài sṳ̍t-chhai lâu ngì-teû kóng, Ngì-teû voi sông-sîm thai-keu, m̀-ku sṳ-kiên-ngìn voi hí-lo̍k; ngì-teû voi yù-seù, m̀-ku ngì-teû ke yù-seù chiông-voi pien-cho hí-lo̍k.
約 16:21 Fu-ngìn-kâ sên-sán yî-chhièn chhiu-voi yù-seù, yîn-vi su-khú ke sṳ̀-heu to lé; m̀-ku ô-ngâ-é chhut-se yî-heu, kì chhiu m̀ ki-tet thung-khú, yîn-vi fôn-hí ô-ngâ-é yí-kîn chhut-se.
約 16:22 Ngì-teû liá-ha ya-yû yù-seù; m̀-ku Ngài chai kien-tó ngì-teû, ngì-teû ke sîm chhiu hí-lo̍k, ngì-teû ke hí-lo̍k ya mò ngìn chhióng-tet-cheú.
約 16:23 Chhai ke-ngit, ngì-teû chhiu m̀-voi chai mun Ngài mak-ke. Ngài sṳ̍t-chhai lâu ngì-teû kóng, Ngì-teû ká-sṳ́ tui Â-pâ khiù mak-ke, Kì pit chhâi Ngài-ke miàng lòi su pûn ngì-teû.
約 16:24 To liá-ha, ngì-teû m̀-sṳt chhâi Ngài-ke miàng lòi khiù mak-ke; chhiùng-kîm-yî-heu, ngì-teû chhiu pit-voi tet-tó, sṳ́ ngì-teû ke hí-lo̍k voi mân- mân.