《客語白話字聖經試讀版》

 | | | 轉寄

Yok-hon Fuk-yîm, Thi-16-tsông_1 Sṳn-Lìn ke Kûng-tsok

作者 Hak-ngî Sṳn-kîn 2009.07.05

約 16:5 Liá-ha Ngài oi to-tsón ke tshâi-khién Ngài lòi ke-vi, ngì-têu tsûng ya mò ngìn mun Ngài: “Ngì oi hi nai-vi?”
約 16:6 Yîn-vi Ngài yû lâu ngì-têu kóng liá-têu sṳ, ngì-têu tshiu mân-sîm yù-sèu.
約 16:7 Sṳ-sṳ̍t-song, Ngài to-tsón-hi tui ngì-têu kha hó, yîn-vi Ngài ká-sṳ́ mò tsón-hi, pông-tshu-tsá tshiu m̀-voi lòi-to ngì-têu liá-vi; Ngài ká-sṳ́ tsón-hi, Ngài tshiu-oi tshâi-khién Kì lòi tshiu-khiun ngì-têu.
約 16:8 Kì lòi tshiu pit-thin tsṳn-mìn, kì-têu tui tshui, tui ngi, tui Song-tsú sṳ́m-phan ke khon-fap tshiòn-phu m̀-tsho̍k tshiang-tshiang.
約 16:9 Kì-têu tui tshui ke khon-fap m̀-tsho̍k, yîn-vi kì-têu m̀ sin Ngài.
約 16:10 Kì-têu tui ngì-ke khon-fap m̀-tsho̍k, yîn-vi Ngài tsón-hi Â-pâ ke-vi, yî-heu ngì-têu mò tsai ko khon-tó Ngài.
約 16:11 Kì-têu tui Song-tsú sṳ́m-phan ke khon-fap m̀-tsho̍k, yîn-vi liá sṳ-kie ke vòng yí-kîn su sṳ́m-phan lé.
約 16:12 Ngài hàn-yû tshin-tô sṳ oi lâu ngì-têu kóng, m̀-ku ngì-têu liá-ha put-nèn liâng-su.
約 16:13 Tén-to su tsṳ̂n-lî ke Sṳn-Lìn lòi lé, Kì tshiu-oi yín-tai ngì-têu ngi̍p só- yû ke tsṳ̂n-lî; yîn-vi Kì m̀-he tshṳ-ngien lòi kóng,thu̍k-he tsiông Kì só thâng ke sṳ lâu ngì-têu kóng, ya-oi tui ngì-têu kóng tsiông-lòi ke sṳ.
約 16:14 Kì oi yùng-kông Ngài; yîn-vi Kì oi tsiông Ngài só kóng ko ke sṳ lòi po ngì-têu tî.
約 16:15 Só-yû Â-pâ só-yû ke yit-tshiet tû-he Ngài-ke; só-yî Ngài kóng, Sṳn-Lìn oi tsiông Ngài-ke sṳ lòi po ngì-têu tî.