《客語白話字聖經試讀版》

 | | | 轉寄

Yok-hon Fuk-yîm, Thi-16-tsông_0 Oi sṳt Thiên-fu Ya oi sṳt Yâ-sû

作者 Hak-ngî Sṳn-kîn 2009.06.28

約 16:1 Ngài tsiông liá-têu fa lâu ngì-têu kóng, oi sṳ́ ngì-têu ke sîm m̀-voi yèu-thung.
約 16:2 Kì-têu voi tsiông ngì-têu kiuk-tshut fi-thòng, tsúng-he sṳ̀-heu voi to lé, fàm sat ngì-têu ke ngìn, voi ngin-vì kì-têu só tso ke sṳ-tshìn he tsûng-sîm sṳ-fung Song-tsú.
約 16:3 Kì-têu voi tso liá-têu sṳ, he yîn-vi kì-têu m̀-sṳt Â-pâ ya m̀-sṳt Ngài.
約 16:4 Tsúng-he lâu ngì kóng liá-têu sṳ, he ke sṳ̀-heu to lé, ngì-têu tshiu ki-tet Ngài yû lâu ngì-têu kóng ko. Liá-têu sṳ Ngài m̀-tshièn lâu ngì-têu kóng, yîn-vi Ngài yit-tshṳ̍t lâu ngì-têu thùng-tshai.