《客語白話字聖經試讀版》

 | | | 轉寄

Yok-hon Fuk-yîm, Thi-15-tsông_2 Sṳ-kiên-ngìn ke Yen-hen

作者 Hak-ngî Sṳn-kîn 2009.06.21

約 15:18 Na sṳ-kiên-ngìn hen ngì-têu, ngì-têu oi tî, kì-têu yí-kîn siên hen Ngài.
約 15:19 Na ngì-têu su̍k liá sṳ-kie, sṳ-kiên-ngìn yit-thin voi oi ngì-têu, tshiong oi kì-têu tshṳ-kâ ke ngìn, m̀-ku yîn-vi ngì-têu m̀ su̍k liá sṳ-kie, fán-tsón Ngài sién ngì-têu thot-lì sṳ-kie, só-yî sṳ-kiên-ngìn tshiu hen ngì-têu.
約 15:20 Ngì-têu oi ki-tet Ngài lâu ngì-têu kóng ke fa: ‘Nù-phu̍k m̀-voi pí kì-ke tsú kha thai.’ Kì-têu yû pet-hoi Ngài, tshiu pit-thin oi pet-hoi ngì-têu, ká-sṳ́ kì-têu yû sú Ngài-ke tho, tshiu pit-thin oi sú ngì-têu ke fa.
約 15:21 Tsúng-he kì-têu vi-tsho̍k Ngài-ke yèn-ku, kì-têu voi tui ngì-têu tso liá yit-tshiet ke sṳ, yîn-vi kì-têu m̀-sṳt tshâi-khién Ngài lòi ke.
約 15:22 Na Ngài m̀-sṳt lòi ko, m̀-sṳt lâu kì-têu kóng-lun, kì-têu tshiu mò tshui, m̀-ku liá-ha kì-têu ke tshui, he thôi-m̀-tet lé.
約 15:23 Ngìn hen Ngài, tshiu hen Ngâ Â-pâ.
約 15:24 Na Ngài m̀-sṳt tshai kì-têu tsûng hàng liá-têu sṳ, he mò phe̍t-ngìn hàng ke, kì-têu tshiu mò tshui, m̀-ku liá-ha Ngài lâu Ngâ Â-pâ tso ke, kì-têu ya-yû khon-tó, hàn-he hen Ngài, ya hen Ngâ Â-pâ.
約 15:25 Liá-he yin-ngiam kì-têu li̍t-fap-sû tsûng só siá ke fa: ‘Kì-têu mò-yèn mò-ku hen Ngài.’
約 15:26 Tsúng-he tén pông-tshu-tsá lòi, tshiu-he tsṳ̂n-lî ke Sṳn-Lìn tshiùng Â-pâ ke-vi tshut-lòi, Kì oi vi-tsho̍k Ngài lòi tso-tsṳn.
約 15:27 Ngì-têu ya vi Ngài tso-tsṳn, yîn-vi ngì-têu tui yit khôi-sṳ́ tshiu lâu Ngai thùng-tshai.