《客語白話字聖經試讀版》

 | | | 轉寄

Yok-hon Fuk-yîm, Thi-15-tsông_1 Yâ-sû He Tsṳ̂n ke Phù-thò-su

作者 Hak-ngî Sṳn-kîn 2009.06.14

約 15:1 Ngài he tsṳ̂n ke phù-thò-su, Ngâ Â-pâ he tsâi-tsung ke ngìn.
約 15:2 Só-yû su̍k Ngài tsúng-he mò kiet kó-tsṳ́ ke su-kî, Kì tshiu tsién-thet; ya só-yû kiet kó-tsṳ́ ke, Kì tshiu siû-tsién, sṳ́ kì kiet kó-tsṳ́ kha tô.
約 15:3 Liá-ha yîn-vi Ngài lâu ngì-têu só kóng ke tho-lî yí-kîn sṳ́ ngì-têu tshiang-li lé.
約 15:4 Ngì-têu oi yit-tshṳ̍t sâng tshai Ngài tî-poi, Ngài ya sâng tshai ngì-têu tî-poi. Tshiong su-kî ká-sṳ́ mò lâu phù-thò-su tsiap-tén, tshiu m̀-voi kiet kó-tsṳ́; án-ngiòng ngì-têu, ká-sṳ́ mò yit-tshṳ̍t lâu Ngài kiet-lièn, ya m̀-voi kiet kó-tsṳ́.
約 15:5 Ngài he phù-thò-su, ngì-têu he su-kî, sâng tshai Ngài tî-poi ke ngìn, yu Ngài ya sâng tshai kì tî-poi ke ngìn, liá-ke tshiu-voi kiet kó-tsṳ́ tô-tô; yîn-vi ngì-têu lì-khôi Ngài, tshiu mò fap-thu tso-mak-ke .
約 15:6 Na mò sâng tshai Ngài tî-poi ke ngìn, kì tshiu pit pûn ngìn fit-thet tshai ngoi, tshiong su-kî, tshiu tsâu-thet, tshiu pûn ngìn thiú-lo̍k fó tî-poi sêu-thet.
約 15:7 Ngì-têu ká-sṳ́ yit-tshṳ̍t sâng tshai Ngài tî-poi, Ngài-ke fa ya yit-tshṳ̍t tsûn-sú, só-yû ngì-têu oi khiù mak-ke, yit-thin lâu ngì-têu tso-sàng.
約 15:8 He yîn-vi án-ngiòng Ngâ Â-pâ tsang tet yùng-kông, sṳ́-tó ngì-têu kiet kó-tsṳ́ tô-tô, ngì-têu ya ki-siu̍k tso Ngài-ke mùn-thù.
約 15:9 Tshiu-tshiong Â-pâ oi-siak Ngài, Ngài ya oi-siak ngì-têu; ngì-têu oi sâng tshai Ngài-ke thung-siak-tsûng.
約 15:10 Ngì-têu ká-sṳ́ tsûn-sú Ngài-ke min-lin, tshiu pit sâng tshai Ngài-ke thung-siak-tsûng, tshiong Ngài yû tsûn-sú Ngâ Â-pâ ke min-lin, ya sâng tshai Kì-ke thung-siak-tsûng.
約 15:11 Ngài lâu ngì-têu kóng liá-têu fa, he-oi sṳ́ Ngài-ke hí-lo̍k pûn ngì-têu tet-tó, sṳ́ ngì-ke hí-lo̍k voi nêm-tshut-lòi.
約 15:12 Liá-ha Ngài-ke min-lin, tshiu-he ngì-têu oi pí-tshṳ́ siông-oi, tshiong Ngài oi-siak ngì-têu án-ngiòng.
約 15:13 Ngìn vi-tsho̍k kì-ke phèn-yû hî-sên sâng-miang, ngìn-kiên ke oi mò pí liá kha ví-thai ke.
約 15:14 Na ngì-têu hàng Ngài só min-lin ke sṳ, ngì-têu tshiu-he Ngài-ke phèn-yû.
約 15:15 Ngài tshṳ̀-heu mò tsai khon ngì-têu tso nù-phu̍k; yîn-vi nù-phu̍k m̀ tî kì-ke tsú-ngìn só hàng ke sṳ; m̀-ku Ngài tsiông ngì-têu khon-tso phèn-yû; yîn-vi só-yû Ngài tshiùng Ngâ Â-pâ só thâng-tó ke, Ngài yu tshiòn-phu kóng pûn ngì-têu tî.
約 15:16 M̀-he ngì-têu sién Ngài, he Ngài sién ngì-têu, Ngài yû sat-li̍p ngì-têu, sṳ́ ngì-têu hi kiet yún-tshùn ke kó-tsṳ́; sṳ́-tó ngì-têu tshâi Ngài-ke miàng, fàm tui Â-pâ só khiù ke, Kì tshiu su pûn ngì-têu.
約 15:17 Ngài tsiông liá-têu sṳ min-lin ngì-têu, he-oi sṳ́ ngì-têu pí-tshṳ́ siông-siak.