《客語白話字聖經試讀版》

 | | | 轉寄

Yok-hon Fuk-yîm, Thi-13-tsông_2 Yâ-sû Yi-ngièn Voi Pûn-ngìn Tshut-mai

作者 Hak-ngî Sṳn-kîn 2009.05.10

約 13:21 Yâ-sû kóng-liáu liá-têu fa, sîm-tsûng fî-sòng thung-khú kóng : “Ngài sṳ̍t-tshai lâu ngì-têu kóng, ngì-têu tsûng yû yit-ke ngìn oi tshut-mai Ngài.”
約 13:22 Tsung-mùn-thù pí-tshṳ́ siông-khon, m̀ tî Kì só kóng ke he má-ngìn.
約 13:23 Yû yit-ke Yâ-sû só oi-siak ke mùn-thù, tset-sṳ̂n khau tshai Yâ-sû ke hiûng-fài-tsûng.
約 13:24 Só-yî Sî-mùn Pí-tet tshiu am-sṳ kì kóng: “Kì só tsṳ́ ke he má-ngìn?
約 13:25 Khau tshai Yâ-sû hiûng-fài-tsûng ke mùn-thù, tshiu mun Kì kóng : “Tsú â ! He má-ngìn?”
約 13:26 Yâ-sû tshiu en kóng: “Ngài oi vun yit-khuai piáng-è pûn kì, ke-sâ tshiu-he.” Kóng-liáu, Kì tshiu nâ pûn Kâ-lio̍k-ngìn Sî-mùn ke lai-é Yù-thai.
約 13:27 Yù-thai yit tsiap-ko piáng-è, ke Sat-tan tshiu ngi̍p kì-ke sîm. Yâ-sû tui kì kóng: “Ngì só ke-va̍k ke, hó kón-kín hi tso.”
約 13:28 Tshai-tsho mò ngìn tî Yâ-sû tso-mak-ke lâu kì kóng liá-ke fa.
約 13:29 Yîn-vi Yù-thai he kón tshièn-tshòi ke, yû-têu mùn-thù sióng Yâ-sû he fûn-fu kì hi mâi ko-tsiet yung ke tûng-sî; ya-he oi ham kì tai tûng-sî pûn khiûng-khú-ngìn.
約 13:30 Só-yî Yù-thai sṳ̍t ke-te piáng-è heu, tsit-sṳ̀ tshiu tshut-hi; tông-sṳ̀ yí-kîn am lé.