《客語白話字聖經試讀版》

| | | 轉寄

Yok-hon Fuk-yîm, Thi-13-chông_3 Sîn ke Min-lin

約 13:31 Yù-thai chhut-hi heu, Yâ-sû chhiu kóng: “Liá-ha Ngìn-Chṳ́ tet yùng-kông, Song-chú ke yùng-kông hién-mìn chhai Ngìn-Chṳ́ ke sṳ̂n-song lé.”
約 13:32 Song-chú ya chiông chhṳ-kâ yùng-kông chia-chho̍k Ngìn-Chṳ́ lòi hién-mìn, chúng-he chit-sṳ̀ chhiu-oi yùng-kông Kì.
約 13:33 Se-chṳ́ â ! Ngài lâu ngì-teû thùng-chhai ke sṳ̀-kiên mò kí-kiú. Ngì-teû sióng-oi chhìm Ngài, cheu Ngài tui Yù-thai-ngìn liâng-siu kóng ko ke fa; Ngài só hi ke ngì-teû m̀-tet-to, liá-ha Ngài ya án-ngiòng tui ngì-teû kóng.
約 13:34 Ngài pûn ngì-teû yit-thiàu sîn ke min-lin, chhiu-he ngì-teû oi pí-chhṳ́ siông-siak; Ngài ngióng-pân oi-siak ngì-teû, ngì-teû ya-oi pí-chhṳ́ siông-siak.
約 13:35 Na ngì-teû yû pí-chhṳ́ siông-siak, chúng-he chung-ngìn chhiu tî ngì-teû he Ngài-ke mùn-thù.