《客語白話字聖經試讀版》

 | | | 轉寄

Yok-hon Fuk-Yîm, Thi-1-tsông_5 Fu-seu Fî-li̍t lâu Nâ-than-ngia̍p

作者 Hak-ngî Sṳn-kîn 2008.05.11

約 1:43 Yu ko yit-ngit Yâ-sû sióng-oi hi Kâ-li-li, tshiu tshìm-tó Fî-li̍t, lâu kì kóng: “Lòi thèn Ngài.”
約 1:44 Fî-li̍t he Pak-soi-thai-ngìn,lâu Ôn-tet-lie̍t Pí-tet thùng-hiông.
約 1:45 Fî-li̍t tshìm-tó Nâ-than-ngia̍p, tshiu lâu kì kóng: “Mô-sî tshai li̍t-fap lâu tsung-siên-tî só ki ke sâ, ngài-têu ki-yèn tshìm-tó-lé, tshiu-he Nâ-sat-le̍t- ngìn, Yok-sit ke lai-é Yâ-sû.”
約 1:46 Nâ-than-ngia̍p tshiu tui kì kóng: “Yû mak-ke hó-ke voi tshiùng Nâ-sat-le̍t tshut mâ?” Fî- li̍t lâu kì kóng: “Lòi khon.”
約 1:47 Yâ-sû khon-tó Nâ-than-ngia̍p tui Kì hàng-ko-lòi, tshiu tsṳ́ kì kóng: “Khon â ! Sṳ̍t-tshai he Yî-set-lie̍t-ngìn, sîm-tsûng mò kuí-tsa ke!” Nâ-than-ngia̍p tshiu tui Kì kóng: “Ngì ngióng-voi sṳt Ngài?”
約 1:48 Yâ-sû en kì kóng: “Fî-li̍t màng ham ngì, ngì tshai vù-fâ-kó su-hâ, Ngài yí-kîn khon-tó ngì.”
約 1:49 Nâ-than-ngia̍p en Kì kóng: “Lâ-pí, Ngì he Song-tsú ke Lai-é; Ngì he Yî-set-lie̍t ke vòng.”
約 1:50 Yâ-sû en kì kóng,yîn-vi Ngài lâu ngì kóng: “Ngài khon-tó ngì tshai vù-fâ-kó su-hâ, ngì tshiu sin mé? Ngì voi khon-tó pí-liá kien-thai ke sṳ-tshìn.”
約 1:51 Yu lâu kì kóng, Ngài sṳ̍t-tshai lâu ngì-têu kóng: “Ngì-têu voi khon-tó thiên-khôi, yû Song-tsú ke tsung-sṳ́-tsá, tshai Ngìn-Tsṳ́ sṳ̂n-hong sông-hi hâ-lòi.”