《客語白話字聖經試讀版》

 | | | 轉寄

Yok-hon Fuk-Yîm, Thi-1-tsông_4 Thèu-yit-pái Sién-seu Ho̍k-sâng

作者 Hak-ngî Sṳn-kîn 2008.05.04

約 1:35 Tshai thiên-kông-ngit Yok-hon lâu kiâ lióng-ke mùn-thù tshai ke-vi khì;
約 1:36 Yok-hon khon Yâ-sû tshai ke-vi kîn-ko, tshiu kóng: “Khon â! Song-tsú ke kâu-yòng !”
約 1:37 Ke lióng-ke mùn-thù, thâng-tó kì-ke fa, tshiu thèn Yâ-sû.
約 1:38 Yâ-sû tsón-sṳ̂n khon-tó kì-têu thèn Kì, tshiu mun kì-têu kóng: “Ngì-têu tshìm mak-ke?” Kì-têu tshiu tui Kì kóng: “Lâ-pí (fân-yi̍t tshiu-he kóng Sîn-sâng), Ngì he̍t tshai nai-vi?”
約 1:39 Tshiu lâu kì-têu kóng: “Lòi, ngì-têu tshiu khon-tet-tó.” Ku-só kì-têu tshiu-lòi khon-tó Kì he̍t tshai nai-vi; ke-ngit tshiu lâu Kì khiung-ha he̍t ; tông-sṳ̀ thai-yok hâ-tsu si-tiám-tsûng.
約 1:40 Thâng-tó Yok-hon, lòi thèn Yâ-sû ke lióng-sà tsûng, yit-ke he Sî-mùn Pí-tet ke hiûng-thi Ôn-tet-lie̍t.
約 1:41 Kì tshiu-siên tshìm-tó tshṳ-kâ ke hiûng-thi Sî-mùn, lâu kì kóng: “Ngài-têu ki-yèn tshìm-tó Nì-soi-â.” (Nì-soi-â fân-yi̍t tshiu-he Kî-tuk)
約 1:42 Tshiu tai kì lòi kien Yâ-sû. Yâ-sû tsu-muk kì, tshiu kóng: “Ngì he Yok-hon ke lai-é Sî-mùn; Ngì tsiông tshṳ̂n-tso Kî-fap” (fân-yi̍t tshiu-he Pí-tet).