《客語白話字聖經試讀版》

 | | | 轉寄

Yok-hon Fuk-yîm, Thi-11-tsông_5 Sat-hoi Yâ-sû ke Yîm-mèu

作者 Hak-ngî Sṳn-kîn 2009.03.22

約 11:45 Yù-thai-ngìn tsûng lòi khon Mâ-li-â ke, khon-tó Yâ-sû só tso ke sṳ, tshiu sin-kho Kì.
約 11:46 Tsúng-he khì-tsûng yû-têu ngìn hi kien Fap-li-soi-ngìn, tsiông Yâ-sû só tso ke sṳ kóng pûn kì-têu tî.
約 11:47 Ku-só tsung-tsi-sṳ̂-tsóng lâu Fap-li-soi-ngìn seu-khôi ngi-fi, tshiu kóng: “Ngài-têu oi ngióng-pân tso? Yîn-vi liá-ke ngìn tshai ke-vi hàng án-tô sṳ̀n-tsiak.
約 11:48 Ngài-têu ká-sṳ́ yù-tshai Kì, tsung-ngìn tshiu yit-thin sin-kho Kì; Lò-mâ-ngìn tshiu yit-thin lòi fí-me̍t ngài-têu ke Sṳn-thien lâu mìn-tshu̍k.”
約 11:49 Tsúng-he khì-tsûng yit-sà, ôn-tso Kâi-â-fap, ke-ngièn tso tsi-sṳ̂-tsóng ke, tui kì-têu kóng: “Ngì-têu ngióng-pân án ngong !
約 11:50 Ngì-têu mò tá-son, yù yit-ke ngìn thoi tshiòn-mìn sí, miên-tet tshiòn-kuet me̍t-mòng, liá kám m̀-he tui ngì-têu tsui-yû li-yit ke sṳ mâ?”
約 11:51 Kì kóng liá-ke fa, m̀-he kì tshṳ-kâ tshṳ-ngien;he yîn-vi tso ke-ngièn ke thai-tsi-sṳ̂-tsóng, tshiu yi-ngièn Yâ-sû tsiông-oi thoi Yù-thai-ngìn lòi sí.
約 11:52 Ya m̀ tân-tshiang thoi liá-têu sí; ya-oi tsiông san tshai kok-thi Song-tsú ke tsṳ́-ńg seu-si̍p,lòi kap-tso yit-khiùn.
約 11:53 Tsúng-he tui ke-ngit hí, kì-têu tshiu tshâm-siòng oi sat Yâ-sû.
約 11:54 Só-yî Yâ-sû mò kûng-khôi tshai Yù-thai thi-khî hàng-thung, lì-khôi to khóng-yâ ke thi-fông, yit-ke ham-tso Yî-fap-lièn; tshiu lâu mùn-thù khiung-ha he̍t tshai ke-vi.
約 11:55 Yù-thai-ngìn ke Yì-ye̍t-tsiet voi to lé; tshiu-yû tshin-tô ngìn tshai tsiet-khì tshièn, thèn-tén hiông-tshûn sông Yâ-lu-sat-lâng , tshai ke-vi sú kiet-tshiang-lî.
約 11:56 Kì-têu tshiu sióng-oi tshìm Yâ-sû; kì-têu khî tshai Sṳn-thien tî-poi, pí-tshṳ́ mun kóng: “Ngì-têu ngióng-pân sióng? Kì kám m̀-voi lòi ko-tsiet mâ?”
約 11:57 Tsi-sṳ̂-tsóng lâu Fap-li-soi-ngìn yû min-lin kóng: “Na yû ngìn tî Yâ-sû tshai nai-vi, tshiu yit-thin oi po-ko, sṳ́ kì-têu hó tsok Kì”.