《客語白話字聖經試讀版》

 | | | 轉寄

Yok-hon Fuk-yîm, Thi-11-tsông_4 Ham Lâ-sat-lu Fu̍k-fa̍t

作者 Hak-ngî Sṳn-kîn 2009.03.15

約 11:38 Yâ-sû sîm-tsûng fî-sòng thung-sông, tshiu lòi-to fùn-mu-tshièn. Ke fùn-mu he sân-lùng, ngi̍p-héu yû sa̍k-thèu set tshai ke-vi.
約 11:39 Yâ-sû kóng: “Ngì-têu sái-khôi liá-ke sa̍k-thèu.” Sí-ngìn ke â-tsí Mâ-thai tui Yâ-sû kóng: “Tsú â ! Sṳ̂n-sṳ̂ tû tshu-thet-lé; yîn-vi kì mài-thet si-ngit.
約 11:40 Yâ-sû tui kì kóng: “Ngài m̀-he sṳt lâu ngì kóng, ngì ká-sṳ́ sin, tshiu thin-tsho̍k khon-tó Song-tsú ke yùng-kông mâ?
約 11:41 Kì-têu tshiu sái-khôi ke sa̍k-thèu. Yâ-sû tshiu ngo-thèu mong-thiên, kóng: “Â-pâ â ! Ngài kám-tshia Ngì, yîn-vi Ngì yí-kîn thâng Ngài.
約 11:42 Ngài ya tî Ngì sông-sông thâng Ngài ; m̀-ku Ngài kóng liá-ke fa tshiu-he vi-tsho̍k sùn-thèu khî ke tsung-ngìn, sṳ́-tó kì-têu sin Ngì yû tshâi-khién Ngài lòi.”
約 11:43 Ki-yèn án-ngiòng kóng-liáu, Yâ-sû tshiu thai-sâng ham kóng : “Lâ-sat-lu, tshut-lòi.”
約 11:44 Ke sí-ngìn tshiu tshut-lòi, sú-kiok tshàn-tén pu-thiàu, mien ya pâu-tén mien-kîn. Yâ-sû tui kì-têu kóng : “Kié-khôi-lòi, pûn kì hàng.”