《客語白話字聖經試讀版》

 | | | 轉寄

Yok-hon Fuk-yîm, Thi-12-tsông_1 Mâ-li-â Yung Hiông-yù Kò Yâ-sû

作者 Hak-ngî Sṳn-kîn 2009.03.29

約 12:1 Tshai Yì-ye̍t-tsiet tshièn-liuk-ngit, Yâ-sû tshiu lòi-to Pak-thai-nì, he Lâ-sat-lu só he̍t ke thi-fông, tshiu-he Yâ-sû ham Lâ-sat-lu fu̍k-fa̍t ke-vi.
約 12:2 Kì-têu tshai ke-vi tshiáng Yâ-sû sṳ̍t-ya. Mâ-thai ya then-sú tsêu-thai; Lâ-sat-lu ya-he thùng sṳ̍t tsûng ke yit-ke ngìn.
約 12:3 Mâ-li-â nâ yit-kon pan-kîn-tshûng khi̍t tsṳ̂n-kui ke (nâ-tha̍t) hiông-yù, lòi kò Yâ-sû ke kiok, tsiông kì tshṳ-kâ ke thèu-nà-mô tshu̍t Kì-ke kiok; ke hiông-mi tshiu tshûng-mân yit-kiên vuk.
約 12:4 Kì mùn-thù tsûng yû yit-ke tshut-mai Yâ-sû ke Kâ-lio̍k-ngìn Yù-thai, tshiu kóng :
約 12:5 “Ngióng-pân m̀ nâ liá hiông-yù hi mai sâm-pak-tsak ngiùn-tshièn lòi pûn khiûng-khú-ngìn nè?
約 12:6 Kì kóng liá-ke fa, m̀-he tsṳn-kîn kuân-sîm khiûng-khú-ngìn, he yîn-vi kì tso tshe̍t-é; kì kón-lî thòn-thí ke tshièn-tshòi, sòng-sòng thêu-nâ kûng-khuán.
約 12:7 Só-yî Yâ-sû kóng: “Yù-tshai kì ! Liù tshûn-ke vi-tsho̍k Ngài ôn-tsong ke-ngit lòi yung.”
約 12:8 Yîn-vi ngì-têu sòng-sòng lâu khiûng-khú-ngìn khiung-ha; m̀-ku Ngài mò sòng-sòng thùng ngì-têu khiung-ha.