《客語白話字聖經試讀版》

 | | | 轉寄

Yok-hon Fuk-yîm, Thi-11-tsông_2 Fu̍k-fa̍t lâu Sâng-miang ke Tsú

作者 Hak-ngî Sṳn-kîn 2009.03.01

約 11:17 Yâ-sû lòi-to Pak-thai-nì, tî Lâ-sat-lu yí-kîn tshai si-ngit-tshièn mài-thet lé.
約 11:18 Pak-thai-nì lì-khôi Yâ-lu-sat-lâng, thai-yok yû sâm-kûng-lî yén;
約 11:19 Yù-thai tsûng yû hó-tô ngìn lòi khon Mâ-thai lâu Mâ-li-â, vi-tsho̍k kì-têu ló-thâi ke sí oi lòi ôn-vi kì-têu.
約 11:20 Mâ-thai thâng-tó Yâ-sû voi to lé, tshiu-hi ngiàng-tsiap Kì, m̀-ku Mâ-li-â hàn-tshai vuk-tú tshô.
約 11:21 Mâ-thai tshiu tui Yâ-sû kóng: “Tsú â ! Ngì ká-sṳ́ tshai liá-vi, ngâ ló-thâi tshiu m̀-voi sí.
約 11:22 Tsúng-he liá-ha ngài ya tî, Ngì mò-lun tui Song-tsú khiù mak-ke, Song-tsú yit-thin voi pûn Ngì.”
約 11:23 Yâ-sû tui kì kóng: “Ngiâ ló-thâi yit-thin voi fu̍k-fa̍t.”
約 11:24 Mâ-thai tui Kì kóng: “Ngài tî tshai ma̍t-ngit ke sṳ̀-heu, kì yit-thin voi fu̍k-fa̍t.”
約 11:25 Yâ-sû tui kì kóng: “Ngài tshiu-he fu̍k-fa̍t, Ngài ya-he sâng-miang; sin Ngài-ke ngìn, suî-yèn sí-thet, ya pit sâng-tén;
約 11:26 só-yû sên-tshièn lòi sin-kho Ngài-ke ngìn tshiu yún-yén m̀-voi sí. Ngì yû sin liá-têu fa mâ?”
約 11:27 Mâ-thai tui Kì kóng: “Tsú â ! Ngài yí-kîn sin Ngì tshiu-he Kî-tuk, he Song-tsú ke Lai-é, tsit-he lòi ngi̍p sṳ-kie ke Tsá.”