《客語白話字聖經試讀版》

 | | | 轉寄

Yok-hon Fuk-yîm, Thi-11-tsông_1 Lâ-sat-lu ke Sí

作者 Hak-ngî Sṳn-kîn 2009.02.22

約 11:1 Yû yit-ke pot-phiang ke ngìn he̍t tshai Pak-thai-nì, miàng ôn-to Lâ-sat-lu, liá-vi tshiu-he Mâ-li-â lâu kì-ke â-tsí Mâ-thai he̍t ke tshûn-tsông.
約 11:2 (Mâ-li-â yung hiông-yù kò Tsú ke kiok, pin yung tshṳ-kâ ke thèu-nà-mô tshu̍t-tsâu; kì-ke ló-thâi Lâ-sat-lu yû pot-phiang.)
約 11:3 Ke lióng tsí-moi tshiu ham ngìn hi lâu Tsú kóng: “Tsú â, Ngì só oi-siak ke phèn-yû pot-phiang lé.”
約 11:4 Yâ-sû thâng-tó tshiu kóng: “Lâ-sat-lu m̀-voi yîn-vi liá-ke phiang lòi sí, liá-ke sṳ fat-sên he-oi yùng-kông Song-tsú, sṳ́-tó Song-tsú ke Lai-é yîn-vi liá-ke lòi tet-tó yùng-kông.”
約 11:5 Mâ-thai pin kiâ ló-moi, lâu Lâ-sat-lu he Yâ-sû só oi-siak ke.
約 11:6 Thâng-tó Lâ-sat-lu pot-phiang ke sṳ, yu tshai só he̍t ke thi-fông thìn lióng-ngit kiú.
約 11:7 Yèn-heu tshiu tui mùn-thù kóng : “Ngài-têu to-tsón-hi Yù-thai.”
約 11:8 Mùn-thù tui Kì kóng: “Sîn-sâng, Yù-thai-ngìn tshièn mò kí-kiú tsang sióng-oi nâ sa̍k-thèu te̍p Ngì; Ngì hàn-oi tsai hi ke-vi mâ?”
約 11:9 Yâ-sû en kóng : “Ngit-sṳ̀-thèu kám-kóng m̀-he yû sṳ̍p-ngi tiám-tsûng mâ? Ngìn ki-yèn tshai ngit-sṳ̀-thèu hàng-lu, tshiu m̀-voi tiet-tó, yîn-vi khon-tó liá sṳ-kiên ke kông;
約 11:10 M̀-ku ngìn ká-sṳ́ tshai am-pû-thèu hàng-lu, tshiu-voi tiet-tó, yîn-vi kì mò kông.”
約 11:11 Yâ-sû kóng liá-têu fa heu, yu tui kì-têu kóng: “Ngài-têu ke phèn-yû Lâ-sat-lu soi-thet-lé; Ngài lòi hi ham kì siáng.”
約 11:12 Mùn-thù tshiu tui Kì kóng: “Tsú â ! Ki-yèn kì he soi-thet-lé, tshiu-voi hó-hí-lòi.”
約 11:13 Khì-sṳ̍t,Yâ-sû he kóng Lâ-sat-lu yí-kîn sí-thet; m̀-ku kì-têu sióng tso he kóng kì phìn-sòng ke soi-muk.
約 11:14 Yâ-sû mìn-mìn tshiu lâu kì-têu kóng : “Lâ-sat-lu yí-kîn sí lé.
約 11:15 Ngài vi ngì-têu fôn-hí, yîn-vi Ngài mò tshai ke-vi; án-ngiòng, ngì-têu tshiu-voi sin. Liá-ha, ngài-têu lòi hi kì ke-vi”.
約 11:16 Tô-mâ (tshṳ̂n-tso Sûng-sâng-é ke), tui khì-thâ mùn-thù kóng : “Ngài-têu ya khiung-ha lòi hi,hó thùng sîn-sâng khiung-ha sí.”