《客語白話字聖經試讀版》

 | | | 轉寄

Yok-hon Fuk-yîm, Thi-10-tsông_3 Yù-thai-ngìn Hi-tshie̍t Yâ-sû

作者 Hak-ngî Sṳn-kîn 2009.02.15

約 10:22 Tshai Yâ-lu-sat-lâng khin-tsuk Hien-thien-tsiet ke sṳ̀ to lé, ke sṳ̀-heu tshiu- he tûng-thiên;
約 10:23 Yâ-sû hàng tshai Sṳn-thien ke Só-lò-mùn lòng-hâ.
約 10:24 Yù-thai-ngìn lòi vì-tén Kì, tui Kì kóng: “Ngì oi sṳ́ ngài-têu ke sîm ngì-fe̍t to kí-sṳ̀ nè? Ngì he Kî-tuk mâ? Thán-pha̍k lâu ngài-têu kóng.”
約 10:25 Yâ-sû en kì-têu kóng: “Ngài tsó tshiu lâu ngì-têu kóng, ngì-têu ya m̀ sin, Ngài fung Ngâ Â-pâ ke miàng só tso ke sṳ, liá-têu tshiu-he Ngài-ke tsṳn-kí.
約 10:26 Tsúng-he ngì-têu m̀ sin, yîn-vi ngì-têu m̀-he Ngài-ke yòng.
約 10:27 Ngài-ke yòng thèn Ngài-ke sâng, Ngài ya sṳt kì-têu, kì-têu ya thèn-tén Ngài.
約 10:28 Ngài ya su yún-sên pûn kì-têu, kì-têu ya yit-thin yún-kiú mò me̍t-mòng, ya mò ngìn nèn tsiông kì-têu tui Ngài-ke sú tshióng-tséu.
約 10:29 Ke tsiông kì-têu su pûn Ngâ Â-pâ pí mak-ke tû hàn kha thai; mò ngìn nèn tsiông kì-têu tui Â-pâ ke sú-tsûng tshióng-tséu.
約 10:30 Ngài lâu Â-pâ he yit-thí.”
約 10:31 Yù-thai-ngìn yu nâ sa̍k-thèu oi te̍p Kì.
約 10:32 Yâ-sû en kì-têu kóng: “Ngài sṳt hién-mìn Â-pâ oi Ngài tso ke tshin-tô san-sṳ pûn ngì-têu khon, ngì-têu he vi-tsho̍k nai-têu sṳ oi nâ sa̍k-thèu te̍p Ngài nò?
約 10:33 Yù-thai-ngìn en kóng: “Ngài-têu te̍p Ngì m̀-he vi-tsho̍k san-sṳ, he vi-tsho̍k Ngì vú-yu̍k Song-tsú, yîn-vi Ngì he ngìn, yu tsiông tshṳ-kâ tshṳ̂n-tso Song-tsú.
約 10:34 Yâ-sû en kì-têu kóng: “Tshai ngì-ke li̍t-fap kám-kóng m̀-he ki-tsai, Song-tsú yû kóng, ngì-têu he sṳ̀n ?
約 10:35 Ngài-têu tî Sṳn-kîn ke fa he yún-kiú m̀-voi kói-pien ke. Lièn ke-têu tsiap-su Song-tsú tsṳ̂n-tho ke ngìn, Song-tsú ya tshṳ̂n kì-têu tso sṳ̀n.
約 10:36 Ngài he Â-pâ só kién-sién yu tshâi-phai lòi sṳ-kiên, Ngài kóng Ngài he Song-tsú ke Lai-é, ngì-têu tshiu kóng, Ngì he vú-yu̍k Song-tsú.
約 10:37 Na-he Ngài mò hàng Ngâ Â-pâ ke sṳ, ngì-têu tshiu m̀-sṳ́ sin Ngài.
約 10:38 Na-he Ngài yû hàng, suî-yèn ngì-têu m̀ sin Ngài, ya yin-tông sin Ngài só hàng ke sṳ, sṳ́ ngì-têu voi tî Â-pâ tshai Ngài tî-poi, Ngài he tshai Â-pâ tî-poi.”
約 10:39 Kì-têu yu sióng-oi tsok Kì, m̀-ku Kì tui kì-têu ke sú-tsûng sám-tséu.
約 10:40 Yâ-sû tshiu-hi Yok-tan-hò ke tui-ngan, to Yok-hon yit-khôi-sṳ́ hàng sé-lî ke thi-fông, he̍t tshai ke-vi.
約 10:41 Tshin-tô ngìn yu lòi tshiu-khiun Kì, kì-têu kóng: “Yok-hon mò hàng-ko sṳ̀n-tsiak, m̀-ku só-yû Yok-hon só kóng kuân-he liá ngìn ke fa tshiòn-phu he khok-sṳ̍t ke.”
約 10:42 Tshin-tô ngìn tshiu-tshai ke-vi sin-kho Yâ-sû.