《客語白話字聖經試讀版》

 | | | 轉寄

Yok-hon Fuk-yîm, Thi-9-tsông_1 Yî-hó Tshut-se tshiu Mô-muk ke Ngìn

作者 Hak-ngî Sṳn-kîn 2009.01.04

約 9:1 Yâ-sû tshai lu-song khon-tó yit-ke tshut-se tshiu mô-muk ke ngìn.
約 9:2 Kiâ mùn-thù tshiu mun Kì kóng: “Sîn-sâng, liá-ke ngìn tshut-se tshiu mô-muk, he má-ngìn fam-tshui, he liá-ke ngìn tshṳ-kâ, ya-he kì-ke yà-ôi fam-tshui nò?”
約 9:3 Yâ-sû en kóng: “M̀-he liá-ke ngìn fam-tshui, ya m̀-he kì-ke yà-ôi; he-oi tshai kì sṳ̂n-song tsông-hién Song-tsú ke khièn-nèn.
約 9:4 Ngit-sṳ̀-thèu, ngài-têu tshiu tso ‘Tshâi-khién Ngài lòi ke’ ke kûng-tsok, am-pû-sṳ̀ yit-to, tshiu mò ngìn nèn kûng-tsok.
約 9:5 Ngài tshai sṳ-kiên ke sṳ̀, Ngài tshiu tso sṳ-kiên ke kông.”
約 9:6 Yâ-sû kóng liá-ke fa heu, tshiu phui héu-lân tshai thi-song, tsiông héu-lân lâu nài, yung liá-ke nài lòi kò kì-ke sûng-muk.
約 9:7 Yâ-sû tshiu tui kì kóng: “Hi Sî-lò-â ke tshṳ̀-thòng sé .” (Sî-lò-â fân-yi̍t tshiu-he Fung tshâi-phai ke yi-sṳ ). Só-yî kì tshiu-hi sé, tsón-lòi ke sṳ̀, muk-tsû tshiu khon-tet-tó lé.
約 9:8 Kì-ke lìn-sa lâu phìn-sṳ̀ sòng-sòng khon-tó kì thó-sṳ̍t ke ngìn tshiu kóng: “Liá-ke m̀-he siên-tshièn tshô-tshai liá-vi thó-sṳ̍t ke ngìn mâ?”
約 9:9 Yû ngìn kóng: “Liá-ke tshiu-he kì ! ” Yu yû phe̍t-ngìn kóng: “M̀-he kì, he lâu kì siông-tshiong thin-thin.” Kì tshṳ-kâ kóng: “Ngài tshiu-he kì.”
約 9:10 Ku-só tsung-ngìn mun kì kóng: “Ngiâ muk-tsû ngióng khon-tet-tó nè?”
約 9:11 Kì en kóng: “Yû yit-ke ngìn ham-tso Yâ-sû, Kì yung nam-nài, kò ngài-ke muk-tsû, lâu ngài kóng: ‘Hi Sî-lò-â ke suí-tshṳ̀ sé’, ngài tshiu-hi sé, heu-lòi tshiu khon-tet-tó.”
約 9:12 Tsung-ngìn tshiu mun kóng: “Kì tshai nai-vi?” Kì en kóng: “Ngài m̀ tî.”