《客語白話字聖經試讀版》

 | | | 轉寄

Yok-hon Fuk-yîm, Thi-8-tsông_5 Yâ-sû lâu Â-pak-lâ-hón

作者 Hak-ngî Sṳn-kîn 2008.12.28

約 8:48 Yù-thai-ngìn ke liâng-siu mun Yâ-sû: “Ngài-têu kóng Ngì he Sat-mâ-li-â-ngìn, yu pûn kuí fu-sṳ̂n, kám-kóng m̀-tsho̍k mâ?”
約 8:49 Yâ-sû en kóng: “Ngài mò pûn kuí fu-sṳ̂n; Ngài tsûn-kin ke Â-pâ, ngì-têu sa vú-yu̍k Ngài.
約 8:50 Tsúng-he Ngài mò khiù tshṳ-kâ ke yùng-kông; yû yit-vi thoi Ngài tshìm-khiù, vi Ngài tsú-tshṳ̀ kûng-tho ke.
約 8:51 Ngài sṳ̍t-tshai lâu ngì-têu kóng, tsûn-sú Ngâ tho, tshiu yún-kiú m̀- voi sí. ”
約 8:52 Yù-thai-ngìn ke liâng-siu tui Kì kóng: “Liá-ha ngài-têu tî Ngì he pûn kuí fu-sṳ̂n. Â-pak-lâ-hón yí-kîn sí, tsung-siên-tî ya sí-thet; tsúng-he Ngì kóng: ‘Tsûn-sú Ngâ kau-hiun ke ngìn, tshiu yún-kiú m̀-voi sí.’
約 8:53 Ngì tshièn yû pí ngài-têu ke tsú-siên Â-pak-lâ-hón ví-thai mâ? Kì yí-kîn sí, tsung-siên-tî ya sí-thet, Ngì khon tshṳ-kâ son-mak-ke nò?”
約 8:54 Yâ-sû en kóng: “Na Ngài yùng-kông tshṳ-kâ, Ngài-ke yùng-kông tshiu-mò ka-tshṳ̍t lé; he Ngài-ke Â-pâ yùng-kông Ngài,tshiu-he ngì-têu só kóng ke, ngì-têu ke Song-tsú .
約 8:55 Ngì-têu ya m̀-sṳt Kì; tsúng-he Ngài sṳt Kì; ká-sṳ́ Ngài kóng, Ngài m̀-sṳt Kì, Ngài tshiu lâu ngì-têu khiung-yong, he kóng fâ-liâu ke; sṳ-sṳ̍t-song Ngài sṳt Kì, ya tsûn-sú Kì-ke tho.
約 8:56 Ngì-têu ke tsú-siên Â-pak-lâ-hón sṳt fôn-hí ngióng-mong oi khon-tó Ngài lòi ke ngit-khì; kì yû khon-tó tshiu fî-sòng khuai-lo̍k.”
約 8:57 Ku-só Yù-thai-ngìn ke liâng-siu tui Kì kóng: “Ngì hàn-màng yû ngi-sṳ̍p-se, Ngì tshièn yû khon-ko Â-pak-lâ-hón mâ?”
約 8:58 Yâ-sû tui kì-têu kóng: “Ngài sṳ̍t-tshai lâu ngì-têu kóng, Â-pak-lâ-hón hàn-màng tshut-se yî-tshièn, Ngài tshiu-tshai lé.”
約 8:59 Só-yî kì-têu tshiu nâ sa̍k-thèu te̍p Kì; Yâ-sû tshiu sám-tséu,tshṳ-kâ lì-khôi Sṳn-thien.