《客語白話字聖經試讀版》

 | | | 轉寄

Yok-hon Fuk-yîm, Thi-8-tsông_3 Ngài Hi ke Thi-fông Ngì-têu Tso-m̀-tet Hi

作者 Hak-ngî Sṳn-kîn 2008.12.14

約 8:21 Yâ-sû tsai lâu kì-têu kóng: “Ngài oi lì-khôi, ngì-têu ya-voi tshìm Ngài, ngì-têu ya-voi sí tshai tshṳ-kâ ke tshui-tsûng; Ngài só hi ke thi-fông, ngì-têu m̀- tet-hi.”
約 8:22 Yù-thai-ngìn ke liâng-siu tshiu kóng: “Kì kóng: ‘Ngài só hi ke thi-fông, ngì-têu m̀-tet-hi’, kám-kóng Kì oi tshṳ-sat mé”?
約 8:23 Yâ-sû kóng: “Ngì-têu he tui thi-song lòi, Ngài he tshiùng thiên-táng lòi; ngì-têu he su̍k liá-ke sṳ-kie, Ngài m̀-he su̍k liá-ke sṳ-kie.
約 8:24 Ku-só Ngài tshiu lâu ngì-têu kóng, ngì-têu voi sí tshai tshṳ-kâ ke tshui tsûng; yîn-vi ngì-têu ki-yèn m̀ sin Ngài tshiu-he ‘Tshṳ-yû Yún-yû’ ke yit-vi, ngì-têu tshiu-voi sí tshai tshṳ-kâ ke tshui.”
約 8:25 Só-yî kì-têu tshiu mun Kì kóng: “Ngì he má-ngìn?” Yâ-sû tshiu lâu kì-têu kóng: “Ngài yit khôi-sṳ́ tshiu lâu ngì-têu kóng-ko”.
約 8:26 Kuân-he ngì-têu, Ngài yû tshin-tô sṳ yin-tông oi kóng, yin-tông oi ton; tsúng-he tshâi-khién Ngài lòi ke he tsṳ̂n-sṳ̍t; Ngài tsṳ́-yû tsiông tui Kì ke-vi thâng-tó ke fa, lòi tshòn pûn sṳ-kiên-ngìn.”
約 8:27 Kì-têu mò mìn-pha̍k Yâ-sû só kóng ke, he kuân-he Â-pâ ke sṳ.
約 8:28 Só-yî Yâ-sû tshiu kóng: “Tén-to ngì-têu tsiông Ngìn-Tsṳ́ khià- hí-lòi yî-heu, ngì-têu tsang tî Ngài tshiu-he ke yit-vi, ya tî Ngài mò phìn tshṳ-kâ tso-mak-ke , tsṳ́-yû tseu Â-pâ kâu Ngài-ke, Ngài tshiu kóng liá-têu fa.
約 8:29 Tshâi-khién Ngài lòi ke ya-he lâu Ngài thùng-tshai; Kì mò piong Ngài kû-tân, yîn-vi Ngài sṳ̀-sòng tso Kì só fôn-hí ke sṳ.”
約 8:30 Tshai Kì kóng liá-têu fa ke sṳ̀, tshiu-yû tshin-tô ngìn sin-kho Kì.