《客語白話字聖經試讀版》

 | | | 轉寄

Yok-hon Fuk-yîm, Thi-8-tsông_2 Yâ-sû He Sṳ-kiên ke Kông

作者 Hak-ngî Sṳn-kîn 2008.12.07

約 8:12 Tsúng-he, Yâ-sû tsai hiong kì-têu kóng: “Ngài he sṳ-kiên ke kông; só-yû thèn Ngài-ke ngìn tshiu-mò hàng tshai am-tsûng, tshie̍t-tui tet sâng-miang ke kông.”
約 8:13 Ku-só Fap-li-soi-ngìn lâu Kì kóng : “Ngì he vi-tsho̍k tshṳ-kâ tso-tsṳn; Ngì-ke tsṳn tshiu mò-háu.”
約 8:14 Yâ-sû en kì-têu kóng: “Tshiu-son Ngài he vi-tsho̍k tshṳ-kâ tso-tsṳn; Ngài-ke tsṳn hàn-he tsṳ̂n, yîn-vi Ngài tî Ngài he tui nai-vi lòi, oi hi nai-vi, ngì-têu m̀ tî Ngài tui nai-vi lòi, oi hi nai-vi.
約 8:15 Ngì-têu tseu ngìn ke phêu-tsún lòi phan-ton ngìn,tsúng-he Ngài tshiu m̀ phan-ton ngìn.
約 8:16 Tshiu-son Ngài phan-ton ngìn, Ngài-ke phan-ton ya-he tsṳ̂n-ke; yîn-vi Ngài m̀-he tshṳ-kâ phan-ton, he Ngài lâu tshâi-khién Ngài-ke ngìn, tshiu-he Â-pâ,khiung-ha phan-ton.
約 8:17 Ngì-têu ke li̍t-fap ya-yû ki-tsai, kóng yû lióng-ke ngìn ke tsṳn-tshṳ̀ he tsṳ̂n ke.
約 8:18 Ngài vi-tsho̍k Ngài tshṳ-kâ tso kien-tsṳn , tshâi-khién Ngài-ke Â-pâ ya vi-tsho̍k Ngài tso-tsṳn.”
約 8:19 Kì-têu tshiu tui Kì kóng: “Ngì-ke Â-pâ tshai nai-vi?” Yâ-sû en kóng: “Ngì-têu ya m̀-sṳt Ngài, ya m̀-sṳt Ngài-ke Â-pâ; ká-sṳ́ ngì-têu sṳt Ngài, ya yit-thin sṳt Ngài-ke Â-pâ.”
約 8:20 Yâ-sû tshai Sṳn-thien kau-hiun ngìn, tshiu-tshai ngiùn-khu kóng liá-têu fa, ya mò ngìn tsok-tó Kì;yîn-vi Kì-ke sṳ̀-heu màng-to.