《客語白話字聖經試讀版》

 | | | 轉寄

Yok-hon Fuk-yîm, Thi-8-tsông_1 Hàng Kiên-yìm ke Fu-ngìn-kâ

作者 Hak-ngî Sṳn-kîn 2008.11.30

約 8:1 Tsúng-he Yâ-sû hi to Kám-lám-sân.
約 8:2 Thiên-kông-ngit tá-tsó Kì tshiu to-tsón-lòi ngi̍p Sṳn-thien, tsung tsṳ́n-mìn lòi tsiap-khiun Kì; Yâ-sû tshiu tshô-hâ-lòi kau-hiun kì-têu.
約 8:3 Kîn-ho̍k kau-sṳ̂ lâu Fap-li-soi-ngìn tai yit-ke fu-ngìn-kâ lòi, kì he tshai hàng kiên-yìm ke sṳ̀ pûn-ngìn tsok-tó ke; sṳ́-tó kì khî tshai tông-tsûng.
約 8:4 Tshiu lâu Yâ-sû kóng: “Sîn- sâng, liá-ke fu-ngìn-kâ he tshai hàng kiên-yìm ke sṳ̀, pûn-ngìn tsok-tó ke.
約 8:5 Mô-sî tshai li̍t-fap yû min-lin ngài-têu yung sa̍k-thèu lòi te̍p liá-tsúng ke fu-ngìn-kâ, liá-ha, lun liá-ke fu-ngìn-kâ, Ngì kóng oi ngióng-pân?”
約 8:6 Kì-têu kóng liá-ke fa he lòi tshṳ Yâ-sû, oi tshìm pá-piang hó lòi ko Kì. M̀-ku Yâ-sû vân-yêu yung sú-tsṳ́ tshai thi-song siá-sṳ.
約 8:7 Kì-têu ki-siu̍k mun Kì, Kì tshiu khî-tshṳ̍t hí-lòi tui kì-têu kóng: “Ngì-têu tsûng má-ngìn mò fam-tshui, tshiu hó siên-yung sa̍k-thèu lòi te̍p kì.”
約 8:8 Kì tshiu tsai vân-yêu, yung sú-tsṳ́ tshai thi-song siá-sṳ.
約 8:9 Kì-têu tsung-ngìn thâng-tó tshiu yit-ke yit-ke thui-tséu, tsṳ́-tshûn Yâ-sû lâu ke fu-ngìn-kâ.
約 8:10 Yâ-sû khî-tshṳ̍t hí-lòi tui kì kóng: “Fu-ngìn-kâ â ! Kì-têu tsung-ngìn tséu hi nai-vi? Mò ngìn thin ngì-ke tshui he mò?”
約 8:11 Kì tshiu kóng: “Tsú â ! Mò ngìn.” Yâ-sû tshiu kóng: “Ngài ya mò thin ngì-ke tshui, ngì hó tsón-hi, yî-heu m̀-hó tsai fam-tshui.”