《客語白話字聖經試讀版》

 | | | 轉寄

Yok-hon Fuk-yîm, Thi-7-tsông_7 Yù-thai-ngìn ke Liâng-siu M̀ Sin Yâ-sû

作者 Hak-ngî Sṳn-kîn 2008.11.23

約 7:45 Ke-têu kín-vi tshiu-lòi kien tsi-sṳ̂-tsóng lâu Fap-li-soi-ngìn; kì-têu tshiu mun kín-vi kóng: “Ngì-têu ngóng-pân mò tai Kì tsón-lòi nò?”
約 7:46 Kín-vi en kóng: “Tshiùng-lòi màng-sṳt yû ngìn án-ngiòng kóng fa.”
約 7:47 Fap-li-soi-ngìn tshiu kóng: “Ngì-têu ya-he su Kì mî-fe̍t mâ?
約 7:48 Ya-he Fap-li-soi-ngìn tsṳ̂-tsûng, kám-kóng yû ngìn sin Kì-ke mâ?
約 7:49 Liá-têu ngìn-mìn, m̀-sṳt Mô-sî li̍t-fap ke, he su tsu-tsú ke.”
約 7:50 Nì-kô-tet-mu ( tshiu-he sṳt lòi kien Yâ-sû ke ngìn, ya tshai khì-tsûng,) kì tshiu tui kì-têu kóng:
約 7:51 “Na màng thâng ngìn ke khéu-kiûng, ya màng tî tsṳ̂n-siong yî-tshièn, ngài-têu ke li̍t-fap kám-kóng yû siên thin-tshui mâ?”
約 7:52 Kì-têu tshiu en kóng: “Kám-kóng ngì ya-he Kâ-li-li-ngìn mâ? Ngì hi tshà Sṳn-kîn, tshiu tî mò siên-tî tshut-tshai Kâ-li-li.”
約 7:53 Kì-têu tshiu tsón vuk-hâ hi.