《客語白話字聖經試讀版》

 | | | 轉寄

Mâ-khó Fuk-yîm thi 5 tsông_01 Yâ-sû Yî-hó Sià-lìn Fu-sṳ̂n ke Ngìn

作者 Hak-ngî Sṳn-kîn 2014.02.02

5:1 Kì-têu tshiu lòi to Kâ-li-li-fù tui-mien ke-phién, Kiet-lâ-sêm-ngìn ke thi-fông.

5:2 Yâ-sû yit sông-ngan, yû yit-ke tshiùng fùn-mu tshut-lòi ke ngìn, tshìm-tó Kì, liá-ke ngìn pûn sià-lìn fu-sṳ̂n,

5:3 liá-ke ngìn yit-tshṳ̍t he̍t tshai fùn-mu, mò ngìn nèn khúng-tsṳ kì, yung thiet-lien ya khún kì m̀-he̍t.

5:4 Yîn-vi tshin tô pái yû ngìn yung kiok-liàu sú-khau lòi tshàn-tén kì, tsúng-he kiok-liàu sa pûn kì tá-sui, su-khau sa pûn kì ngiú-thôn. Mò ngìn yû la li̍t lòi tsṳ-fu̍k kì.

5:5 Kì ngit-ya tshai fùn-mu lâu sân-tú tshin hêm, hàn nâ sa̍k-thèu khau tshṳ-kâ.

5:6 Kì yén-yén khon-tó Yâ-sû, tshiu khuí pai Kì;

5:7 thai sâng ham kóng : “Tsṳ-kô Song-tsú ke Lai-é, Yâ-sû,ngì ngióng-pân oi kôn-sa̍p ngài nè? Ngài fung Song-tsú ke miàng khiù Ngì, mo̍k tsâu-tha̍p ngài.”

5:8 (Yîn-vi Yâ-sû yí-kîn tui kì kóng : “Sià-lìn â ! Tui liá-ke ngìn sṳ̂n-song tshut lòi, lì-khôi liá-ke ngìn.”

5:9 Yâ-sû tshiu mun kì kóng : “Ngì ôn-to má-ke miàng?” Kì en kóng : “Ngài-ke miàng ôn-tso ‘Thai-khiùn’; yîn-vi ngài-têu tshin tô.”

5:10 Kì-têu tshiu khiù Yâ-sû m̀ hó sṳ́ kì- têu lì-khôi ke thi-fông.

5:11 Tshai ke sân-phài-táng, yû yit-thai-khiùn tsû-é tshai ke sṳ̍t tûng-sî;

5:12 sià-lìn tshiu khiù Yâ-sû kóng : “Tsún ngài-têu ngi̍p tsû-khiùn, pûn ngài-têu tshiu hó fu-tshai tsû-é tî-poi.”

5:13 Yâ-sû tshiu tsú kì-têu; sià-lìn tshiu tui ke ngìn sṳ̂n-song tshut-lòi, ngi̍p hi tsû-khiùn, kuî-khiùn tsû-é, thai-yok yû lióng-tshiên-tsak, tshong-hâ pên-kông,tiet-lo̍k fù tî-poi, tshiòn-phu tsim-sí.

5:14 Tshai ke tsóng tsû-é ke ngìn tshiu tséu-thet, hiong sàng-tú lâu tsû-vì ke hiông-tshûn lòi kóng liá-ke .Tsung-ngìn tshiu tshut-lòi khon, to-tái fat-sên mak-ke sṳ-tshìn.

5:15 Kì-têu tshiu lòi-to Yâ-sû ke-vi, khon-tó pûn kuí fu-sṳ̂n ke ngìn, tshô-tén, tsok-hó sâm-fu, thèu-nó mìn-pha̍k, liá-ke ngìn tshiu- he pûn yit-thai-khiùn kuí fu-sṳ̂n ke; tsung-ngìn tshiu tsho̍k-kiâng.

5:16 Khon-tó liá sṳ-tshìn kîn-ko ke ngìn, tsiông fat-sên tshai pûn kuí fu-sṳ̂n ke ngìn lâu ke-têu tsû-é ke sṳ, po pûn tsung-ngìn tî.

5:17 Tsung-ngìn tshiu khiù Yâ-sû lì-khôi kì-têu ke thi-fông.

5:18 Yâ-sû sông-sòn ke sṳ̀, siên-tshièn pûn kuí fu-sṳ̂n ke ngìn, khiù Kì, kóng: “Ngài thèn Ngì hi hó mò?”

5:19 Yâ-sû mò tap-yin kì, tshiu lâu kì kóng : “Tsón hi ngì vuk-hâ, lâu ngì-ke tshîn-tshit kóng, Tsú ngióng-pân yung tshṳ̀-oi tui-thai ngì, pin Kì vi ngì só tso ke sṳ he ngióng-pân ke thai.”

5:20 Ke ngìn tshiu lì-khôi ke-vi, tshai Sṳ̍p-yip ke thi-fông siên-tshòn Yâ-sû vi-tsho̍k kì tso ke sṳ he ngióng-pân ke thai; tsung-ngìn tshiu kám-kok tshin khì-kuai.