《客語白話字聖經試讀版》

 | | | 轉寄

Mâ-khó Fuk-yîm thi 4 tsông_06 Yâ-sû Phìn-thin Fûng-long

作者 Hak-ngî Sṳn-kîn 2014.01.26

4:35 Ke ngit lìm-am, Yâ-sû tui mùn-thù kóng : “Lòi hi fù ke-phién.”

4:36 Tsung mùn-thù tshiu lì-khôi tsung-ngìn, Yâ-sû yí-kîn tshai sòn-táng tshô-hó-se, mùn-thù tshiu khôi-sòn, ya yû phe̍t ke sòn lâu kì-têu khiung-ha hi.

4:37 Fut-yèn, yû yit-tshṳn phau-fûng tshôi-tén-lòi, pô-long tshin thai, tá-ngi̍p sòn-tú, sòn-tú ke suí tshâ-m̀-tô voi nêm-hí-lòi.

4:38 Ke-sṳ̀, Yâ-sû hàn tshai sòn-mî, thiap-tén tsṳ́m-thèu tshai ke soi-muk. Mùn-thù ham siáng Kì, tshiu lâu Kì kóng: “Sîn-sâng, ngài-têu voi mò miang lô, Ngì mò oi tap he mò?”

4:39 Yâ-sû siáng-ko-lòi, tsit-phi fûng, yu tui hói-long kóng : “Tiâm-tiâm !” Fûng tshiu thìn-hâ-lòi.

4:40 Tshiu tui mùn-thù kóng : “Ngì-têu kiâng mak-ke? Ngì-têu hàn mò sin-sîm mâ?”

4:41 Kì-têu tshiu tshin kiâng, pí-tshṳ́ kóng : “Liá-ke he má ngìn? Lièn fûng lâu hói-long ya thâng-tshiùng Kì nò.”