《客語白話字聖經試讀版》

 | | | 轉寄

Má-thai Fuk-yîm thi 26 tsông_08 Yâ-sû Pûn ngìn Tsok-hi

作者 Hak-ngî Sṳn-kîn 2013.03.31

26:47 Yâ-sû tshai ke kóng-fa ke sṳ̀-heu, khon-â! Sṳ̍p-ngi mùn-thù tông-tsûng ke Yù-thai lòi-to. Yû yit-thai-khiùn ngìn tai-tén tô-é,kun-é thùng kì khiung-ha lòi; kì-têu he tsi-sṳ̂-tsóng lâu mìn-kiên ke tsóng-ló phai-lòi ke.
26:48 Tshut-mai Yâ-sû ke ngìn, sṳ-tshièn pûn kì-têu am-ho, kóng : “Ngài tsîm má-ngìn, Kì tshiu-he ngì-têu sióng-oi ke ngìn, ngì-têu tshiu tsok Kì.”
26:49 Yù-thai yit to, tsit-sṳ̀ tshiu hàng to Yâ-sû mien-tshièn, kóng : “Sîn- sâng, phìn-ôn”; tshiu tsîm Kì.
26:50 Yâ-sû tshiu lâu kì kóng : “Phèn-yû â, tso ngì só-oi tso ke sṳ.” Só-yî, ke-têu ngìn tshiu hàng-tshièn-lòi, ha-sú tsok Yâ-sû.
26:51 Khon-â! Lâu Yâ-sû thùng-tshai ke ngìn, yû yit-sà pâng-tshut tô-é, tui thai tsi-sṳ̂-tsóng ke phu̍k-ngìn phiak-ko-hi, siok-thet kì yit-tsak ngí-kûng.
26:52 Yâ-sû tshiu lâu kì kóng : “Ngì-ke tô-é sû-hí-lòi ; yîn-vi só-yû thûng-tô ke, yit-thin voi sí tshai tô-ha.
26:53 Kám-kóng ngì m̀ tî Ngài tso-tet khiù Ngâ Pâ, Kì liá-ha tshiu-voi tshâi tshêu-ko sṳ̍p-ngi ke sṳ́-tsá lòi pûn Ngài mâ?
26:54 Ká-sṳ́ án-ngiòng tso, Sṳn-kîn só kóng ke sṳ yit-thin yû, oi ngióng-pân tet yin-ngiam nò?
26:55 To ke-sṳ̀, Yâ-sû tui tsung-ngìn kóng : “Ngì- têu tai-tén tô-é lâu kun-é tshut-lòi tsok Ngài, khon Ngài tso khiòng-tho he mâ? Ngài mî-ngit tshô tshai Sṳn-thien-tú kâu ngìn, ngì-têu ya mò tsok Ngài.
26:56 Tsúng-he, liá tshiòn-phu ke sṳ fat-sên yî-heu, he oi yin-ngiam siên-tî tshai Sṳn-kîn só kóng ke fa.” Ke-sṳ̀ tsung-mùn-thù tshiu lì-khôi Yâ-sû thò-tséu.