《客語白話字聖經試讀版》

 | | | 轉寄

Má-thai Fuk-yîm thi 26 tsông_07 Tshai Khet-sî-mâ-nì-yèn Khì-tó

作者 Hak-ngî Sṳn-kîn 2013.03.24

26:36 Ke-sṳ̀, Yâ-sû lâu mùn-thù lòi-to yit-ke thi-fông, hêm-tso Khet-sî-mâ-nî; tshiu lâu Kì-ke mùn-thù kóng : “Ngì-têu tshai liá tshô, tén Ngài hi ke khì-tó.”
26:37 Kì tshiu tai Pí-tet lâu Sî-pí-thai lióng-ke lai-é khiung-ha hi, Yâ-sû khôi-sṳ́ kám-kok tshin yù-sông lâu nàn-ko.
26:38 Tshiu lâu kì-têu kóng : “Ngài-ke sîm tshin yù- sông; ngì-têu tshai-liá, oi lâu Ngài khiung-ha kín-siáng .”
26:39 Kì hàng-tshièn têu-é, tshiu phuk tshai thi-song khì-tó kóng : “Â-Pâ â, ká-sṳ́ he tso-tet, khiù Ngì m̀-hó pûn Ngài lîm liá-ke khú-pî ! Tsúng-he, m̀-hó tseu Ngài-ke yi-sṳ, oi tseu Ngì-ke yi-sṳ.”
26:40 Kì to-tsón sâm-ke mùn-thù ke-vi, khon-tó kì-têu tshai ke soi-muk, tshiu lâu Pí-tet kóng : “Sṳ̍t-tshai ô, ngì-têu put-nèn thùng Ngài khiung-ha kín-siáng yit-tiám-tsûng kiú mâ?
26:41 Oi kín-siáng khì-tó, ngì-têu tsang miên-tet ngi̍p mì-fe̍t.Ngì-têu ke lìn-sin khok-sṳ̍t lo̍k-yi,ngiuk-thí tshiu ngiôn-ngio̍k.”
26:42 Yâ-sû thi-ngi-pái yu hi khì-tó kóng : “Â-Pa â, na-he liá-ke khú-pî ká-sṳ́ put-nèn lì-khôi Ngài, yit-thin oi Ngài lîm, tshiu ngien Ngì-ke tsṳ́-yi tet sṳ̀n-tshiòn !”
26:43 Kì yu to-tsón mùn-thù ke-vi, yu khon-tó kì-têu tshai ke soi-muk, yîn-vi kì-têu ke muk-tsû pak-m̀-khôi.
26:44 Kì tshiu lì-khôi kì-têu,thi-sâm-pái hi khì-tó, ya-he kóng khiung-yong ke fa.
26:45 Ke-sṳ̀, Kì yu to-tsón mùn-thù ke-vi, tshiu lâu kì-têu kóng : “Liá-ha ngì-têu hàn soi-muk, hàn-tshai ke-vi hiû-sit mâ? Khon-â! Ngìn-tsṳ́ pûn kì tshut-mai to tshui-ngìn sú-tsûng ke sṳ̀-heu to lé.
26:46 Hong-hí-lòi, Ngài-têu lòi-hi ;khon-â! Tshut-mai Ngài-ke ngìn to lé.