《客語白話字聖經試讀版》

 | | | 轉寄

Má-thai Fuk-yîm thi 26 tsông_09 Tshai Ngi-fi Su Sṳ́m-phan

作者 Hak-ngî Sṳn-kîn 2013.04.07

26:57 Tsok Yâ-sû ke ngìn tai Kì hi thai tsi-sṳ̂-tsóng Kâi-â-fap ke-vi, ke-têu Kîn-ho̍k kau-sṳ̂ lâu tsóng-ló yí-kîn tshi-si̍p tshai ke-vi.
26:58 Tsúng-he Pî-tet yén-yén thèn-tén Kì, to thai tsi-sṳ̂-tsóng ke thìn-yen, ngi̍p-hi ke thìn-yen-tú, lâu kín-vi tshô khiung-ha, oi khon sṳ ke kiet-khiu̍k.
26:59 Tsung tsi-sṳ̂-tsóng lâu tshiòn ngi-fi sióng-oi tshìm ká tsṳn-kí lòi hoi Yâ-sû, oi lòi thin Kì sí-hìn;
26:60 suî-yèn yû tshin-tô ká ke kien-tsṳn-ngìn tshut-lòi ko Yâ-sû, tsúng-he nâ-m̀-tshut mak-ke tsṳn-kí lòi. Tsui-mî, yû lióng-ke ngìn sông-tshièn-lòi ko Kì,
26:61 kóng : “Liá-ke ngìn sṳt kóng: ‘Ngài voi fi-thet Song-tsú ke Sṳn-thien, sâm-ngit-nui yu tshùng-kien hi lòi.’”
26:62 Thai-tsi-sṳ̂ khî-hí-lòi tui Yâ-sû kóng : “Ngì tshièn mò mak-ke fa hó yin-tap mâ? Liá-têu ngìn só ko Ngì-ke.”
26:63 Tsúng-he Yâ-sû tiâm-tiâm. Thai-tsi-sṳ̂ yu tui Kì kóng : “Ngài tsṳ́-tén yún-sên Song-tsú ke miàng lòi mun Ngì, Ngì tshiu lâu ngài-têu kóng, Ngì he Kî-tuk, tsit-he Song-tsú ke Lai-é, he mò?”
26:64 Yâ-sû tui kì kóng : “Liá-he ngì kóng ke. Tsúng-he Ngài lâu ngì-têu kóng, yî-heu, ngì-têu tsiông-voi khon-tó Ngìn-tsṳ́ tshô- tshai Tshiòn-nèn-tsá ke yu-phién, tshô-tén thiên-táng ke yùn kong-lìm.”
26:65 Thai-tsi-sṳ̂ tshiu tshá-lie̍t tshṳ-kâ ke sâm, kóng : “Liá-ke ngìn yí-kîn kóng-tshut vú-yu̍k Song-tsú ke fa lé; ngài-têu m̀-sṳ́ phe̍t-ke tsṳn-ngìn lé? Khon-â! Ngì-têu liá-ha thâng-tó liá vú-yu̍k Song-tsú ke fa lé;
26:66 ngì-têu oi ngióng-pân phan Kì nò? Tsung-ngìn en kóng : “Kì yin-kôi sí.”
26:67 Tsung-ngìn phui héu-lân tshai Kì-ke mien-hong, yung khièn-thèu tá Kì; ya-yû yung pâ-tsóng-mà sân Kì,
26:68 kóng : “Kî-tuk â, tshiáng Ngì tso siên-tî lâu ngài-têu kóng,tá Ngì-ke he má-ngìn?”