《客語白話字聖經試讀版》

 | | | 轉寄

Yok-hon Fuk-yîm, Thi-7-tsông_1 Yâ-sû lâu Kiâ Ló-thâi

作者 Hak-ngî Sṳn-kîn 2008.10.05

約 7:1 Liá-têu sṳ yî-heu, Yâ-sû yû tshai Kâ-li-li yit-tai: M̀ sióng-oi hàng hi Yù-thai, yîn-vi Yù-thai-ngìn ke liâng-siu sióng-oi tshṳ̀ Kì.
約 7:2 Yù-thai-ngìn ke Tshu-phàng-tsiet voi to lé.
約 7:3 Ku-só Yâ-sû ke ló-thâi lâu Kì kóng: “Ngì oi lì-khôi liá-vi hi Yù-thai, sṳ́ Ngiâ mùn-thù voi khon-tó Ngì só hàng ke sṳ.
約 7:4 Ngìn oi tshut-miàng, tshiu m̀-hó tshai am-tsûng tso-sṳ. Ngì ki-yèn hàng liá-têu sṳ, tshiu yin-kôi tsiông tshṳ-kâ tshai sṳ-ngìn mien-tshièn hién-mìn. ”
約 7:5 (Yîn-vi Kiâ ló-thâi ya mò sin Kì.)
約 7:6 Yâ-sû lâu kì-têu kóng: “Ngì-têu tsang yû án fông-phien; tsúng-he Ngài-ke sṳ̀-heu màng sṳ̀n-su̍k.
約 7:7 Sṳ-ngìn m̀-voi nâu ngì-têu; tsúng-he voi nâu Ngài, yîn-vi Ngài sòng-sòng tsṳ́-tsṳn kì-têu só tso ke sṳ he sià-ok ke.
約 7:8 Ngì-têu hó hi ko-tsiet, Ngài liá-ha m̀ hi, yîn-vi Ngài-ke sṳ̀-heu màng sṳ̀n-su̍k. ”
約 7:9 Yâ-sû lâu kì-têu kóng liá-têu fa yî-heu, Kì hàn-he liù tshai Kâ-li-li.