《客語白話字聖經試讀版》

Yok-hon Fuk-yîm, Thi-6-tsông_5, Yún-sên ke Fa

作者 Hak-ngî Sṳn-kîn

60) Tsúng-he kì-ke mùn-thù tsṳ̂-tsûng yû tshin tô ngìn thâng-tó tshiu kóng : Liá-ke fa án ngang; má-ngìn voi thâng nò?
61) Tsúng-he Yâ-sû tshṳ-kâ tî-tet kì-ke mùn-thù yû yîn-vi liá-ke fa lòi am-tsûng ngi-lun, tshiu tui kì-têu kóng : Liá-ke hoi ngì-têu sin-sîm yèu-thung he mò?
62) Tsúng-he, ngì-têu ki-yèn khon-to Ngìn-Tsṳ́ sông to kì siên só tshai ke vi, yû oi ngióng-tet nò?
63) He Sṳn-lìn tsang su ngìn sâng-miang, nguk tshiòn mò li-yit: ngài sṳt lâu ngì-têu kóng ke fa, tshiu he sṳ̂n-thí, he sâng-miang.
64) Tsúng-he ngì-têu tsûng yû ngìn m̀ sin.Yîn-vi Yâ-sû tshṳ-thèu tî-tet m̀-sin ke he má-ngìn, ko tsiông-oi kâu-fu kì-ke he má-ngìn,
65) Kì tshiu kóng : Tsúng-he ngài yû lâu ngì-têu kóng : Na m̀ he tui ngài-ke Fu su pûn kì, tshiu mò ngìn voi lòi ngài liá-vi.
66) Tshìung-tshí Yâ-sû ke mùn-thù to ke tshiu to-tsón-hi,yî-heu mò tsai lâu kì khiung-ha hàng.
67) Só-yî Yâ-sû tui ke sṳ̍p-ngi ke ngìn kóng : tsúng-mò ngì-têu yâ sióng oi lì-khôi ngài mâ?
68) Sî-mùn Pí-tet en kì kóng : Tsú â, ngì yû yún-sên ke fa, ngài-têu oi hi thèn má-ngìn?
69) Kiàm-tshiá ngài-têu ki-yèn sin, yâ tî ngì he Song-ti ke Sṳn-Tsá.
70) Yâ-sû en kì-têu kóng : Ngài kám-kóng m̀ he sién ngì-têu sṳ̍p-ngi ke ngìn, tsúng-he ngì-têu tsûng yit-ke ngìn he mò-kuí?
71) Yâ-sû he kóng Kâ-lio̍k ngìn Sî-mùn ke tsṳ́, Yù-thai,yîn-vi liá-sà he ke sṳ̍p-ngi ke ngìn tsûng yit-ke ngìn, yû tshiong-oi tshut-mai Yâ-sû ke.