《客語白話字聖經試讀版》

 | | | 轉寄

Yok-hon Fuk-yîm, Thi-6-tsông_4 Yâ-sû He Sâng-miang ke Liòng-sṳ̍t

作者 Hak-ngî Sṳn-kîn 2008.09.14

約 6:25 Ki-yèn tshai hói ke tui-ngan tshìm-tó Kì, tshiu mun Kì kóng: “Sîn-sâng, Ngì kí-sṳ̀ lòi liá-vi?”
約 6:26 Yâ-sû en kì-têu kóng: “Ngài sṳ̍t-tshai lâu ngì-têu kóng, ngì-têu tshìm Ngài, m̀-he yîn-vi khon-tó sṳ̀n-tsiak, he yîn-vi yû sṳ̍t ke-têu liòng-sṳ̍t, yu tet-tó páu-tsiuk.”
約 6:27 Ngì-têu lô-khú m̀-hó vi-tó voi fú-fai ke mí-liòng, oi vi-tó tshùn-to yún-sên ke mí-liòng, tsit-he Ngìn-Tsṳ́ oi pûn ngì-têu ke; yîn-vi Kì, tsit-he Â-pâ Song-tsú só phî-tsún ke.
約 6:28 Kì-têu tshiu tui Kì kóng: “Ngài-têu oi ngióng-tet hàng-lòi-tso Song-tsú ke kûng-tsok nò?”
約 6:29 Yâ-sû tshiu lâu kì-têu kóng: “Ngì-têu sin-kho Kì só tshâi-khién-tsá, tshiu-he Song-tsú ke kûng.”
約 6:30 Kì-têu tshiu mun Kì kóng: “Ngì oi hàng mak-ke sṳ̀n-tsiak, sṳ́ ngài-têu khon-tó hó lòi sin Ngì nò?”
約 6:31 Ngài-têu ke tsú-siên tshai khóng-yâ yû sṳ̍t Mâ-nâ; tseu Sṳn-kîn só ki-tsai ke: ‘Kì tsiông tui thiên-táng lòi ke liòng-sṳ̍t su pûn kì-têu sṳ̍t.’”
約 6:32 Yâ-sû lâu kì-têu kóng: “Ngài sṳ̍t-tsai lâu ngì-têu kóng,m̀-he Mô-sî yû tsiông tui thiên-táng lòi ke liòng-sṳ̍t su pûn ngì-têu, tsṳ́-yû Ngâ Pâ tsiông tui thiên-táng lòi-ke tsṳ̂n liòng-sṳ̍t su pûn ngì-têu.
約 6:33 Yîn-vi Song-tsú ke liòng-sṳ̍t he tui thiên-táng kong-lìm, tsiông sâng-miang su pûn sṳ-kie. ”
約 6:34 Kì-têu tshiu tui Kì kóng: “Tsú â ! Tshiáng tsiông liá-ke liòng-sṳ̍t sòng-sòng su pûn ngài-têu.
約 6:35 Yâ-sû lâu kì-têu kóng, Ngài tshiu-he sâng-miang ke liòng-sṳ̍t; ngìn lòi Ngài liá-vi, tshiu pit-thin mò kî-ngo, ngìn sin-kho Ngài, ya yún-kiú m̀-voi hot.
約 6:36 Tsúng-he Ngài yû lâu ngì-têu kóng, ngì-têu yí-kîn yû khon-tó Ngài, ya hàn m̀ sin.”
約 6:37 Fàm Â-pâ só pûn Ngài-ke pit-thin oi lòi Ngài liá-vi; ngìn lòi Ngài liá-vi, Ngài ya tshie̍t-tui m̀-voi khî-tshie̍t kì.
約 6:38 Yîn-vi Ngài tui thiên-táng hâ-lòi, m̀-he phìn Ngài tshṳ-kâ ke tsṳ́-yi hàng-sṳ, he-oi sṳ̍t-hàng ‘Tshâi Ngài lòi ke’ ke tsṳ́-yi.
約 6:39 Ke ‘Tshâi Ngài lòi ke’ ke tsṳ́-yi, tshiu-he oi Ngài pó-sú Kì só pûn Ngài-ke, lièn yit-ke ya m̀-voi sṳt-thet, fán-tsón tshai ma̍t-ngit sṳ́ kì-têu fu̍k-fa̍t.
約 6:40 Yîn-vi liá-ke tshiu-he Ngâ Pâ ke tsṳ́-yi, tsit-he pûn só-yû khon-tó Lai-é lâu lòi sin Kì-ke ngìn, hó tet-tó yún-sên; Ngài tshai ma̍t-ngit ya-oi sṳ́ kì-têu fu̍k-fa̍t.”
約 6:41 Yù-thai-ngìn yîn-vi Yâ-sû kóng: “Ngài he tui thiên-táng kong-hâ-lòi ke liòng-sṳ̍t,” tshiu am-tsûng ngi-lun Kì.
約 6:42 Kì-têu tshiu kóng: “Liá-ke kám m̀-he Yok-sit ke lai-é Yâ-sû mâ? Kì-ke yà-ôi ngài-têu ya sṳt. Kì ngióng-tet kám kóng,Ngài he tui thiên-táng kong-hâ-lòi ke !”
約 6:43 Yâ-sû en kì-têu kóng: “Ngì-têu mo̍k tshai am-tsûng ngi-lun.”
約 6:44 Na m̀-he tshâi Ngài lòi ke Â-pâ yín-tai kì-têu, tshiu mò ngìn voi lòi Ngài liá-vi;Ngài tshai ma̍t-ngit voi sṳ́ kì-têu fu̍k-fa̍t.
約 6:45 Tsung-siên-tî ke sû yû ki-tsai kóng: ‘Kì-têu tshiòn-phu ya tsiông-oi tet Song-tsú ke kau-sṳ.’ Fàm só-yû thâng-tshiùng Â-pâ yu tsiap-su Kiâ kau-sṳ ke, pit lòi Ngài liá-vi.
約 6:46 M̀-he kóng yû ngìn sṳt khon-ko Fu, tsṳ́-yû tui Song-tsú lòi ke, kì-têu tshiu-yû khon-koÂ-pâ.
約 6:47 Ngài sṳ̍t-tshai lâu ngì-têu kóng, sin ke ngìn yû yún-sên.
約 6:48 Ngài he sâng-miang ke liòng-sṳ̍t.
約 6:49 Ngì-têu ke tsú-siên tshai khóng-yâ sṳ̍t Mâ-nâ, hàn-he sí-thet.
約 6:50 Liá-ke tui thiên-táng kong-hâ-lôi ke liòng-sṳ̍t, sṳ́ sṳ̍t ke ngìn tshiu m̀- voi sí.
約 6:51 Ngài he sâng-miang ke liòng-sṳ̍t , tui thiên-táng kong-hâ-lôi ke, sṳ̍t liá-ke liòng-sṳ̍t ke ngìn,tshiu pit-voi siên-to yún-sên.Ngài só oi su pûn ngìn ke liòng-sṳ̍t , tshiu-he Ngài-ke ngiuk, he-oi pûn sṳ-kiên-ngìn tet-tó sâng-miang ke.
約 6:52 Liá-ke fa tshai Yù-thai-ngìn tông-tsûng yîn-hí kit-lie̍t ke tsên-lun. Kì-têu kóng: “Liá-ke ngìn ngióng-pân voi tsiông Kì-ke ngiuk lòi pûn ngài-têu sṳ̍t nè?”
約 6:53 Yâ-sû tshiu lâu kì-têu kóng: “Ngài sṳ̍t-tshai lâu ngì-têu kóng,ngì-têu ki-yèn m̀ sṳ̍t Ngìn-Tsṳ́ ke ngiuk, lîm Kì-ke hiet, ngì-têu tshiu-mò tsṳ̂n ke sâng-miang.
約 6:54 Sṳ̍t Ngài-ke ngiuk, lîm Ngài-ke hiet, tshiu-yû yún-sên,Ngài tshai ma̍t-ngit ya-oi su kì fuk-hi.
約 6:55 Yîn-vi Ngài-ke ngiuk he tsṳ̂n ke sṳ̍t-vu̍t, Ngài-ke hiet he tsṳ̂n ke yím-liau.約 6:56 Ke sṳ̍t Ngài-ke ngiuk, lîm Ngài-ke hiet, kì tshiu-tshai Ngài tî-poi, Ngài ya tshai kì tî-poi, lióng-sà sàng-tso yit-thí.
約 6:57 Yún-sên keÂ-pâ tshâi-khién Ngài, Ngài tshiu yîn-vi Fu lòi sâng; sṳ̍t Ngài-ke ngiuk ya-oi yîn-vi Ngài lòi sâng.
約 6:58 Liá-ke he tui thiên-táng kong-hâ-lòi ke liòng-sṳ̍t ; m̀-he tshiong ngì-têu ke tsú-siên sṳ̍t-ko ke,kì-têu sṳ̍t Mâ-nâ, hàn-he sí-thet; tsúng-he sṳ̍t liá-ke liòng-sṳ̍t ke ngìn tshiu pit-thin sâng-to yún-sên.”
約 6:59 Yâ-sû he tshai Kâ-pak-nùng fi-thòng kau-sṳ ngìn kóng ke fa.