《客語白話字聖經試讀版》

 | | | 轉寄

Má-thai Fuk-yîm thi 22 tsông_02 Na̍p-soi ke Mun-thì

作者 Hak-ngî Sṳn-kîn 2012.10.07

22:15 Ke-sṳ̀ Fap-li-soi-ngìn tshut-hi tshâm-siòng oi ngióng-pân tshiùng Kì-ke fa lòi tshìm-tó pá-piang, yèn-heu hoi Kì.
22:16 Kì-têu tshiu phai tshṳ-kâ ke mùn-thù, lâu Hî-li̍t-tóng ke ngìn, hi kien Kì, mun kóng: “Sîn-sâng, ngài-têu tî Ngì he sṳ̀n-sṳ̍t ke ngìn, ya yung tsṳ̂n-sṳ̍t lòi tsiông Song-tsú ke fa kâu pûn ngài-têu, m̀ kón ngìn ngióng-pân sióng; yîn-vi Ngì mò khon ngìn ke tshìn-mien.
22:17 Na̍p-soi pûn Lò-mâ Fòng-ti kám tsho̍k? Ngì ngióng-pân sióng nò? Tshiáng Ngì kóng pûn ngài-têu tî?”
22:18 Yâ-sû khon-tshut kì-têu ke fái-sîm-su̍t, tshiu kóng : “Kà-hó ke ngìn â ! Ngì-têu tso-mak-ke sióng-oi lòi hoi Ngài nò?
22:19 Nâ yit-tsak na̍p-soi ke ngiùn-tshièn lòi pûn Ngài khon.” Kì-têu tshiu nâ yit-ke ngiùn-tshièn pûn Kì khon.
22:20 Yâ-sû tui kì-têu kóng: “Liá-ke siong lâu miàng-ho he má-ngìn ke nò?”
22:21 Kì-têu tui Kì kóng: “He Fòng-ti ke,” Yâ-sû tshiu tui kì-têu kóng : “ He án-ngiòng, tshiu tsiông Fòng-ti ke tûng-sî vàn Fòng-ti; tsiông Song-tsú ke tûng-sî vàn Song-tsú.
22:22 Kì-têu thâng-tó liá-ke fa tshiu kám-to hî-khì, tshiu lì-khôi Kì.