《客語白話字聖經試讀版》

 | | | 轉寄

Má-thai Fuk-yîm thi 22 tsông_03 Fu̍k-fa̍t ke Mun-thì

作者 Hak-ngî Sṳn-kîn 2012.10.14

22:23 Tshai ke-ngit, yû Sat-tú-kâi-ngìn, kì-têu m̀ siông-sin fu̍k-fa̍t liá-khien sṳ; lòi kien Yâ-sû, mun Kì kóng:
22:24 “Sîn-sâng, Mô-sî yû kóng : ‘Na yû ngìn ko-sṳ̂n-lé, mò tsṳ́-ńg, kiâ ló-thâi tshiu-oi thó kì-ke â-só, thoi â-kô tshòn-tsûng tsiap-thoi.’
22:25 Liá-ha ngài-têu liá-vi sṳt yû tshit-ke hiûng-thi, thai-kô kiet-fûn heu, màng yû tsṳ́-ńg tshiu sí-thet, liù-hâ pû-ngiòn pûn kiâ ló-thâi;
22:26 thi-ngi ke, thi-sâm ke, tshṳ̍t-to thi-tshit ke, ya-he án-ngiòng.
22:27 Tsui-mî, ke fu-ngìn-kâ ya ko-sṳ̂n.
22:28 Tsúng-he, to fu̍k-fa̍t ke sṳ̀-heu, ke fu-ngìn-kâ son-he má-ngìn ke pû-ngiòng nò? Yîn-vi tshiòn-phu sṳt thó-ko kì.”
22:29 Yâ-sû tui kì-têu kóng: “Ngì-têu m̀-tshok lé, yîn-vi ngì-têu m̀ mìn-pha̍k Sṳn-kîn, ya m̀ mìn-pha̍k Song-tsú ke khièn-nèn.
22:30 Kì-têu tui sì fu̍k-fa̍t ke sṳ̀-heu, ya mò thó, ya mò ka, tshiu-he lâu thiên-táng ke sṳ́-tsá khiung-yong.
22:31 Kuân-he sí-ngìn fu̍k-fa̍t ke sṳ, ngì-têu kám-kóng m̀-tshièn thu̍k-ko Song-tsú hiong ngì-têu só kóng-ke fa mâ? Kì kóng :
22:32 ‘Ngài he Â-pak-lâ-hón ke Song-tsú, Yi-sat ke Song-tsú, Ngâ-kok ke Song-tsú? Song-tsú m̀-he sí-ngìn ke Song-tsú, he sâng-ngìn ke Song-tsú.”
22:33 Tsung-ngìn thâng-tó Kì-ke kau-hiun, tshiu kám-kok thai hî-khì.