《客語白話字聖經試讀版》

 | | | 轉寄

Má-thai Fuk-yîm thi 15 tsông_02, Sṳ́ Ngìn Mò Tshiang-li ke Tûng-sî

作者 Hak-ngî Sṳn-kîn 2011.12.18

15:10 Yâ-sû ham tsung-ngìn lòi tshiu Kì, lâu kì-têu kóng : “Ngì-têu oi thâng Ngài ke fa, ya oi mìn-pha̍k !
15:11 Tui tsoi ngi̍p-hi ke tûng-sî m̀ voi sṳ́ ngìn mò tshiang-li, thu̍k he tshiùng tsoi tshut-lòi ke tsang voi sṳ́ ngìn mò tshiang-li.”
15:12 Ke sṳ̀-heu, mùn-thù hàng-tshièn lòi tui Yâ-sû kóng : “Fap-li-soi-ngìn thâng-tó liá-têu fa tshin m̀-fu̍k, ngì tî mò?”
15:13 Yâ-sû en kóng : “Put-lun mak-ke, fàm m̀-he Ngài thiên-táng ke Fu só tsung ke tshṳ̍t-vu̍t,lûng-tsúng yit-thin oi lièn kîn pâng-thet.
15:14 Yû tshia kì-têu ! Kì-têu he mô-muk ke ngìn, oi ngión-pân vi ngìn tai-lu; na mô-muk-ke tai mô-muk-ke, lióng-sà yit-thin tiet-lo̍k fut-tú hi.”
15:15 Pí-tet en Kì kóng : “Tshiáng Ngì lâu ngài-têu kié-sṳt liá-ke pí-yi ke yi-sṳ.”
15:16 Yâ-sû tshiu kóng: “To liá-ha ngì-têu hàn he thùng phe̍t-ngìn khiung-yong m̀ mìn-pha̍k mâ?
15:17 Ngì-têu kám-kóng m̀ tî, thai-fàm tshiùng tsoi ngi̍p-hi ke tûng-sî,he to tú-sṳ́ tî-poi hi, yèn-heu yu ô tshut-lòi.
15:18 Thu̍k-he tshiùng tsoi tshut-lòi ke tshiu he tshiùng sîm tshut-lòi ke; liá-ke tsang voi sṳ́ ngìn mò tshiang-li.
15:19 Yîn-vi tshiùng sîm tshut-lòi ke, yû tsúng-tsúng ke ok-ngiam; liá-têu ok-ngiam voi sṳ́ kì fam hiûng-sat, kiên-yìm, thûng-kiên, thêu-nâ, kóng fâ-liâu, fí-pong liá-têu tshui.
15:20 Liá-têu tsṳn-kîn voi sṳ́ ngìn mò tshiang-li. Tshiong màng sé sú tshiu lòi sṳ̍t-fan liá-têu sṳ, m̀ voi sṳ́ ngìn mò tshiang-li.