《客語白話字聖經試讀版》

 | | | 轉寄

Má-thai Fuk-yîm thi 15 tsông_03, Yit-ke Ngoi-pâng Fu-ńg ke Sin-sîm

作者 Hak-ngî Sṳn-kîn 2011.12.25

15:21 Yâ-sû tshiùng ke thi-fông lì-khôi, sám-to Thai-ngì lâu Sî-tun fu-khiun ke thi-fông hi.
15:22 Khon â! Yû yit-ke Kâ-nàm ke fu-ngìn-kâ lòi kien Kì, hêm kóng : “Tsú a! Thai-vi ke tsṳ́-sûn â! Lìn-mén ngài; ngâ moi-é pûn kuí fu-sṳ̂n, sṳ̍p-fûn kân-khú.”
15:23 Yâ-sû yit-ki fa ya mò en kì. Kì-ke mùn-thù tshiu hàng-tshièn-lòi khiù Kì kóng : “ Tshiáng ham kì tséu; Kì thèn-tén ngài-têu, kuî-lu kín hêm !”
15:24 Yâ-sû tshiu en kóng : “Ngài fung tshâi-phai lòi tshîn-tshiu Yî-set-lie̍t-ngìn tông-tsûng mì-lu ke yòng thin-thin.”
15:25 Ke Fu-ngìn-kâ yit thâng-tó liá-ke fa, tshiu lòi khuí-pai Kì, kóng : “Tsú â! Khiù Ngì pông-tshu ngài !”
15:26 Yâ-sû en kóng : “Nâ tsṳ́-ńg ke piáng-è fit pûn kéu-é sṳ̍t, tshiu he m̀ ha̍p-fap ke.”
15:27 Ke fu-ngìn-kâ tshiu en kóng : “Tsú â, mò m̀-tsho̍k,yîn-vi kéu-é ya me sṳ̍t kì-ke tsú-ngìn tsok-táng tiet hâ-lòi ke piáng-sui-é â !”
15:28 Yâ-sû tshiu tui kì kóng : “Fu-ngìn-kâ â, ngì-ke sin-sîm tsṳ̂n thai ! Tseu ngì só oi ke sṳ̀n-tshiòn ngì !”Tshiu ke sṳ̀-heu, kiâ moi-é tshiu hó lè.