《客語白話字聖經試讀版》

 | | | 轉寄

Má-thai Fuk-yîm thi 14 tsông_02, Pûn Ńg-tshiên Ngìn Sṳ̍t-páu

作者 Hak-ngî Sṳn-kîn 2011.11.13

14:13 Yâ-sû thâng-tó liá sêu-sit tshiu sông-sòn tshiùng ke thi-fông lì-khôi, tshṳ-kâ yit-sà hi-to ke phiên-phit ke thi-fông. Tsung-ngìn thâng-kóng, tshiu tui tak-ke sàng-sṳ hàng-lu thèn-tén kì hi. 14:14 Yâ-sû yit sông-ngan, khon-tó yit thai-khiùn ngìn, tshiu lìn-mén kì-têu,yî-hó kì-têu khì-tsûng yû pot-phiang ke ngìn.
14:15 Lìm-am-é ke sṳ̀, mùn-thù hàng tshièn lòi tui Yâ-sû kóng : “ Thiên am lô,liá só-tshai yu phiên-phit, tshiáng ham tsung-ngìn lì-khôi, sṳ́ kì-têu hi fu-khiun ke tshûn-tsông mâi tûng-sî sṳ̍t.”
14:16 Yâ-sû tui Kiâ mùn-thù kóng : “Kì-têu m̀ sṳ́ lì-khôi; ngì-têu pûn kì-têu sṳ̍t.”
14:17 Mùn-thù lâu Kì kóng : “Ngài-têu liá-vi tsṳ́-yû ńg-tsak piáng lâu lióng-mî ǹg.”
14:18 Yâ-sû kóng : “Nâ lòi Ngài liá-vi.”
14:19 Kì tshiu fûn-fu tsung-ngìn tshô tshai tshó-phiàng-táng, yèn-heu tsiông ńg-tsak piáng lâu lióng-mî ǹg nâ-hí-lòi, ngo-thèu mong-thiên, kám-tshia Song-ti, yèn-heu tshiu pak-khôi piáng-è, tsiông piáng-è kâu pûn mùn-thù, mùn-thù tshiu pûn pûn tsung-ngìn.
14:20 Thai-kâ tshiòn-phu sṳ̍t-to páu; ho̍k-sâng tsiông só tshûn ke sui-é ngiâm-hí-lòi, tsông-mân sṳ̍p-ngi-tsak làm-è .
14:21 Sṳ̍t ke ngìn, fu-ngìn-kâ lâu se-ngìn-è yî-ngoi, thai-yok yû ńg-tshiên-sà.