《客語白話字聖經試讀版》

 | | | 轉寄

Mâ-thai Fuk-yîm, Thi 13 tsông_4, Phai-é ke Pí-yi

作者 Hak-ngî Sṳn-kîn 2011.10.02

13:24 Yâ-sû yu tui kì-têu kóng yit-ke pí-yi. Kì kóng : “Thiên-kuet khó-pí yû ngìn ve hó ma̍k-tsúng tshai thièn-hong.
13:25 Yû yit am-pû, kì-têu soi-muk ke sṳ̀, tui-thi̍t tshiu to lòi, ve phai-é tshai ma̍k-é tsûng-kiên, tshiu tséu-thet.
13:26 To ma̍k-é tá-tshon ke sṳ̀,phai-é ya thai hí-lòi.
13:27 Thièn-tsú ke phu̍k-ngìn lòi lâu kì kóng : ‘ Thèu-kâ, ngì tshièn m̀ he ve hó ma̍k-tsúng lo̍k tshai ngì-ke thièn mâ? Ngióng-pân yû phai-é nò?’
13:28 Thièn-tsú lâu kì kóng : ‘Liá he thi̍t-ngìn só tso ke.’ Phu̍k-ngìn tshiu mun kì kóng : ‘Ngì oi ngài-têu hi tsiông phai-é pâng-thet mâ?’
13:29 Kì tshiu en kóng : ‘M̀-sṳ́; kiâng-pha ngì-têu tshai pâng phai-é ke sṳ̀,ya tsiông ma̍k-é pâng-thet.
13:30 Yù tshai ma̍k-é thùng phai-é khiung-ha sên-tsóng tshṳ̍t-to sû-kot ke sṳ̀, ngài voi fûn-fu sû-kot ke kûng-ngìn,siên tsiông liá-têu phai-é pâng-tshut-lòi, khún-tén lòi sêu-thet, yèn-heu tsang kot ma̍k-é, sû-ngi̍p ngài-ke tshông-khu.’”