《客語白話字聖經試讀版》

 | | | 轉寄

Mâ-thai Fuk-yîm, Thi 13 tsông_3, Kié-sṳt Ve-tsúng ke Pí-yi

作者 Hak-ngî Sṳn-kîn 2011.09.25

13:18 “Só-yî,ve-tsúng ke pí-yi, ngì-têu oi thâng ngi̍p-hi.
13:19 M̀ lun má-ngìn thâng-tó thiên-kuet ke tsṳ̂n-tho,ká-sṳ́ he mò mìn-pha̍k, tshiu tshiong ve tshai lu-sùn ke tsúng-tsṳ́, ke sià-ok-tsá lòi-to, tsiông ve lo̍k tshai kì sîm-tsûng ke tsṳ̂n-tho tshióng-tséu.
13:20 Ve lo̍k tshai sa̍k-thièn-hong ke tsúng-tsṳ́, liá-ke tshiu he ngìn thâng-tó ke tsṳ̂n-tho, tsit- sṳ̀ fôn-hí tsiap-na̍p;
13:21 tsúng-he tsṳ̂n-tho tshai kì-têu tshṳ-kâ nui-sîm tang-kîn mò tshṳ̂m,tshùn mò kí-kiú; yit-tán vi-tsho̍k tsṳ̂n-tho tù-tó khun-nàn ya-he pet-hoi, tshin kiak tshiu tiet lo̍k-hi.
13:22 Ke ve lo̍k tshai net-è tî-poi ke tsúng-tsṳ́, tshiu he tsṳ́ ngìn thâng-liáu tsṳ̂n-tho yî-heu; pûn liá sṳ-kiên ke tshâu-sîm lâu tshièn-tshòi mì-fe̍t, hip-tén liá-ke tsṳ̂n-tho,mò fap-thu kiet kó-tsṳ́.
13:23 Ke ve lo̍k tshai hó thi-nài ke tî-poi ke tsúng-tsṳ́, liá-ke tsit-he tsṳ́ ngìn thâng-liáu tsṳ̂n-tho, yû mìn-pha̍k, tshiu kiet kó-tsṳ́; yû-têu yit-pak-phi, yû-têu liuk-sṳ̍p-phi, yû-têu sâm-sṳ̍p-phi.”