《客語白話字聖經試讀版》

 | | | 轉寄

Mâ-thai Fuk-yîm, Thi 13 tsông_2, Pí-yi ke Muk-tit

作者 Hak-ngî Sṳn-kîn 2011.09.18

13:10 Tsung mùn-thù hàng-tshièn lòi mun kóng : “ Ngì tso mak-ke oi yung pí-yi tui thai-tsung kóng fa nè?”
13:11 Yâ-sû en kì-têu kóng : “Thiên-kuet ke o-pi tsṳ́-yû pûn ngì-têu tî, m̀ he pûn kì-têu tî.
13:12 Yîn-vi thai-fàm yí-kîn yû ke, yit-thin oi pûn kì, sṳ́-tó kì yû hó-tshûn; mò ke ngìn, lièn kì só yû ke yit-sit-sit,tshiu yit-thin oi tsiông kì tshióng-tséu.
13:13 Só-yî, Ngài tsang yung pí-yi lâu kì-têu kóng fa; yîn-vi kì-têu khon ya khon m̀-sṳt, thâng ya thâng m̀-tó, sîm ya m̀ liáu-kié.
13:14 Liá he yin-ngiam siên-tî Yî-soi-â ke yin-ngièn , Kì tshòn Song-ti ke fa kóng : Ngì-têu tsiông-oi thâng-liáu yu thâng, yu thâng mò mìn-pha̍k; tsiông-oi khon-liáu yu khon, yu khon m̀ liáu-kié.
13:15 Yîn-vi liá-têu pak-siang ke sîm tshin thun lè, kì-têu ke ngí-kûng yu lùng, kì-têu ke muk-tsû yu sap-sap. Na m̀-he án-ngiòng,kì-têu ke muk-tsû voi khon-tet-sṳt,ngí-kûng voi thâng-tet ngi̍p-ngí,kì-têu ke sîm ya voi mìn-pha̍k, tshiu voi fì-sîm tsón-yi, Ngài tshiu voi yî-hó kì-têu.
13:16 “Tsúng-he ngì-têu he yû fuk-hi ke ngìn ! Yîn-vi ngì-têu muk-tsû yu khon tet-sṳt; ngí-kûng yu yû fuk, yîn-vi ngì-têu thâng-tet ngi̍p-ngí.
13:17 Yîn-vi Ngài sṳ̍t-tshai lâu ngì-têu kóng, thèu-pái yû siên-tî lâu ngi-ngìn oi khon ngì-têu só khon-tó ke, tsúng-he khon m̀-tet-tó; oi thâng ngì-têu só thâng-tó ke, ya thâng m̀-tet-tó.