《客語白話字聖經試讀版》

 | | | 轉寄

Yok-hon Fuk-yîm, Thi-4-tsông_ 2 Yâ-sû Yî-hó Yit-ke Thai Kôn ke Lai-é

作者 Hak-ngî Sṳn-kîn 2008.08.03

約 4:43 Ke lióng-ngit ko-heu, Yâ-sû tui ke só-tshai hi to Kâ-li-li.
約 4:44 Yîn-vi Yâ-sû tshṳ-kâ sṳt kóng: “Siên-tî tshai Kì tshṳ-kâ pún-thi mò tet tsûn-kin.”
約 4:45 Tsúng-he Kì lòi ngi̍p Kâ-li-li, Kâ-li-li-ngìn tsiap-na̍p Kì, yîn-vi yû khon-tó Kì tshai Yâ-lu-sat-lâng ko Yì-ye̍t-tsiet sṳ̀ só tso ke sṳ; yîn-vi kì-têu ya-yû hi sú-tsiet.
約 4:46 Tsúng-he Yâ-sû tshiu tsai lòi-to Kâ-li-li ke Kâ-nâ, tsit-he Kì sṳ́ suí pien tsiú ke só-tshai. Yû yit-ke thai-kôn, kiâ lai-é pot-phiang tshai Kâ-pak-nùng.
約 4:47 Kì thâng-tó Yâ-sû tui Yù-thai tshut-lòi, ngi̍p Kâ-li-li, tshiu-hi kien Kì, khiù Kì yî-tshṳ kiâ phiang-to-voi-sí ke lai-é.
約 4:48 Tsúng-he Yâ-sû lâu kì kóng: “Na m̀-he khon-tó sṳ̀n-tsiak khì-sṳ, ngì-têu tû m̀ sin.”
約 4:49 Thai-kôn tui Kì kóng: “Tsú â ! Tshai ngài-ke se-tsṳ́ màng sí yî-tshièn, tshiáng khiung-ha lòi hi.”
約 4:50 Yâ-sû lâu kì kóng: “Ngì tsón-hi, ngì-ke lai-é voi hó lé. Ke ngìn sin Yâ-sû lâu kì kóng ke fa, tshiu tsón-hi.
約 4:51 Tshai lu-song,kiâ phu̍k-ngìn tù-tó kì, kóng, “Kì-ke lai-é hó lé.”
約 4:52 Kì tshiu mun kì-têu tshai kí-sṳ̀ hó ke. Kì-têu tshiu lâu kì kóng: “Tshô-pû-ngit hâ-tsu yit-tiám-tsûng, ngie̍t tshiu thui.”
約 4:53 Tsúng-he kiâ â-pâ tî ke sṳ̀, tú-hó he Yâ-sû lâu kì kóng fa: “Ngì-ke lai-é voi hó lé ke-sṳ̀; kì tshṳ-kâ lâu kì tshiòn-kâ tshiu sin.
約 4:54 Liá-ke he Yâ-sû tshut Yù-thai ngi̍p Kâ-li-li só hàng ke thi-ngi-khien sṳ̀n-tsiak.