《客語白話字聖經試讀版》

 | | | 轉寄

Mâ-thai Fuk-yîm, Thi-8-tsông_6, Yî-hó Lióng-ke Pûn kuí Fu-sṳ̂n ke Ngìn

作者 Hak-ngî Sṳn-kîn 2010.10.03

8:28 Yâ-sû ngi̍p to fù tui-mien Kâ-thai-lâ ke thi-fông, yû pûn kuí fu-sṳ̂n ke lióng ke ngìn, tui tsúng-phû tshut-lòi tshìm-tó Kì, yîn-vi kuí tshin ok, tshṳt-to mò ngìn kám kîn-ko liá thiàu lu.
8:29 Kì-têu khon-tó Yâ-sû tshiu hêm kón: “Song- ti ke Tsṳ́ â, Ngì tso mak-ke oi kôn-sa̍p ngài-têu nò? Sṳ̀-heu màng to, Ngì he oi siên lòi liá-vi tsâu-tha̍p ngài-têu mâ?”
8:30 Lì kì-têu hó-yén yû yit-khiùn tsû-è tshai ke-vi sṳ̍t tûng-sî.
8:31 Kuí tshiu khiù Kì kóng : “Ngì ká-sṳ́ kiuk ngài-têu tshut-hi, tshiu sṳ́ ngài-têu ngi̍p-hi liá-khiùn tsû-è tî-poi.”
8:32 Yâ-sû lâu kì-têu kóng : “Ngì- têu hi â.” Kuí tshiu tshut-lòi, ngi̍p-hi tsû-è tî-poi. Khon-ha! Ke-khiùn tsû-é tshong-hâ pên-kông, fân lo̍k fù tî-poi, tshiòn-phu tsim-sí.
8:33 Tsóng tsû-é ke ngìn tshiu ngi̍p-hi sàng-tú, tsiông liá-têu sṳ lâu pûn kuí fu-sṳ̂n ke ngìn só kîn-ko ke sṳ, tui thai-kâ po-ko.
8:34 Khon-hâ! Tshiòn-sàng ke ngìn tshiu tshut-lòi kien Yâ-sû! Kì-têu kien-tó Kì, tshiu khiù Kì lì-khôi kì-têu ke thi-fông.