《客語白話字聖經試讀版》

 | | | 轉寄

Mâ-thai Fuk-yîm, Thi-8-tsông_5, Yâ-sû Phìn-thin Fûng-long

作者 Hak-ngî Sṳn-kîn 2010.09.26

8:18 Yâ-sû khon-tó tshin tô ngìn vì-tén Kì, tshiu fûn-fu mùm-thù oi thu-to fù ke tui-mien hi.
8:19 Yû yit-ke Kîn-ho̍k kau-sṳ̂ tshiu lòi tui Kì kóng : “Sîn- sâng, Ngì put-lun hi to nai-vi, ngài yit-thin oi thèn Ngì.”
8:20 Yâ-sû tshiu lâu kì kóng : “Fù-lì yû lùng, thiên-táng ke tiâu-é yû teu; m̀-ku Ngìn-tsṳ́ lièn thiap-thèu ke só-tshai ya mò.”
8:21 Mùn-thù tông-tsûng yû nang-ngoi yit-ke tui Kì kóng : “Tsú â, tsún ngài siên tsón hi mài-tsong Ngâ Â-pâ.”
8:22 Yâ-sû lâu kì kóng : “Tso ngì thèn Ngài; pûn sí-ngìn hi mài-tsong kì-têu tshṳ-kâ ke sí-ngìn !”
8:23 Yâ-sû sông-sòn yí-heu, Kiâ mùn-thù thèn Kì hi.
8:24 Khon-hâ! Yû yit-tshṳn phau-fûng tshai fù-mien tshôi-tén-lòi, sòn pûn long kie̍p-tó; m̀-ku Yâ-sû tshai ke-vi soi-muk.
8:25 Mùn-thù lòi hêm-siáng Kì, kóng : “Tsú â,kiu-miang; ngài-têu voi mò miang lè!”
8:26 Yâ-sû tshiu lâu kì-têu kóng : “Ngì-têu ngióng-pân án mò tám nò?” Yèn-heu, Kì tshiu hong hí lòi, tsit-phi fûng lâu hói-long; fûng-long tshiu thìn-hâ-lòi, fù-mien tshiu thai phìn-tshin.
8:27 Ke- têu ngìn tshiu fî-sòng tsho̍k-kiâng, kóng : “Liá-ke he má ngìn, lièn fûng lâu hói-long ya thâng-tshiùng Kì?”