《客語白話字聖經試讀版》

 | | | 轉寄

Mâ-thai Fuk-yîm, Thi 9 tsông_1, Yâ-sû Yî-hó Thân-fûng Phiang-ngìn

作者 Hak-ngî Sṳn-kîn 2010.12.12

9:1 Yâ-sû sông-sòn, thu-ko fù, tshiu lòi-to Kî tshṳ-kâ ke sàng.
9:2 Khon-hâ! Yû ngìn tai ke thân-fûng phiang-ngìn lòi to Kì mien-tshièn. Yâ-sû khon-tshut kì-têu ke sin-sîm, tshiu tui ke thân-fûng ke ngìn kóng : “Se-tsṳ́ â! Ngì ôn-sîm; ngì-ke tshui tet sa-miên lè.”
9:3 Tông-tsûng yû kí-ke Kîn-ho̍k kau-sṳ̂ nui-sîm sióng: “Liá ke ngìn kóng vú-yu̍k Song-ti ke fa.”
9:4 Yâ-sû tî kì-têu ke sióng-fat, tshiu kóng : “Ngì-têu ngióng-pân sîm-fài ok-ngiam nè?
9:5 Tui liá-ke ngìn kóng : ‘Ngì ke tshui tet-tó sa-miên lè’; ya-he kóng : ‘Hong-hí lòi hàng’, nai-ke kha yùng-yi nò?
9:6 Tsúng-he oi sṳ́-tó ngì-têu tî Ngìn-tsṳ́ tshai thi-song yû khièn-piang lòi sa-tshui”.Tshiu tui thân-fûng ke phiang-ngìn kóng: “Hong-hí-lòi, khià ngì-ke mùn-piông tsón-hi ngì vuk-hâ.”
9:7 Kî tshiu hong-hí-lòi, tsón-hi kiâ vuk-hâ.
9:8 Kì-têu tsung-ngìn khon-tó tshiu tsho̍k-kiâng, kì-têu kuî yùng-kông pûn Song-ti, yîn-vi Song-ti yû tsiông án-ngiòng ke khièn-piang lòi pûn ngìn.