《客語白話字聖經試讀版》

 | | | 轉寄

Yok-hon Fuk-yîm, Thi-5-tsông_3 Vi Yâ-sû Tso Kien-tsṳn

作者 Hak-ngî Sṳn-kîn 2008.08.18

約 5:30Ngài phìn tshṳ-kâ put-nèn tso-mak-ke sṳ: “Tseu Ngài só thâng ke tsṳ́-yi lòi sṳ́m-phan;Ngài-ke sṳ́m-phan ya-he kûng-tong ke; yîn-vi Ngài mò khiù tshṳ-kâ ke yi, tsṳ́-yû khiù tshâi-khién Ngài-ke ngìn ke tsṳ́-yi.
約 5:31Ká-sṳ́ Ngài vi tshṳ-kâ tso-tsṳn, Ngài-ke tsṳn tshiu m̀-he tsṳ̂n.
約 5:32Tsúng-he yû yit-ke vi Ngài tso-tsṳn; Ngài tî kì vi Ngài só tso ke tsṳn he tsṳ̂n.
約 5:33Ngì-têu yû phai-ngìn hi kien Yok-hon, kì ya-yû vi tsṳ̂n-lî tso-tsṳn.
約 5:34Tsúng-he Ngài m̀-he sî-yeu ngìn ke kien-tsṳn; Ngài kóng liá-têu fa he-oi sṳ́-tó ngì-têu tet-kiu.
約 5:35Yok-hon khó-pí yit-tsán tsho̍k-tén yu fat-kông ke tên, ngì-têu ya ngien-yi tshiam-sṳ̀ hióng-su kì-ke kông.
約 5:36Tsúng-he Ngài yû thai-ko Yok-hon ke tsṳn-kí, yîn-vi Â-pâ kâu pûn Ngài lòi vàn-sṳ̂n liá-ke kûng-tsok, tshiu-he Ngài só tso ke kûng-tsok. Liá-têu kûng-tsok khó-yî tsṳn-mìn he Â-pâ tshâi-khién Ngài lòi ke.
約 5:37Tshâi-khién Ngài-ke Â-pâ, ya-yû vi Ngài lòi tso-tsṳn, ngì-têu m̀-sṳt thâng-ko Kì-ke sâng, ya m̀-sṳt khon-ko Kì-ke mien.
約 5:38Ngì-têu ya mò tsiông Kì-ke tho piong tshai ngì-têu sîm-tsûng, yîn-vi Kì só tshâi-khién lòi ke, ngì m̀ sin Kì.
約 5:39Ngì-têu ngiên-kiu Sṳn-kîn, ngin-vì tshai ke tî-poi khó-yî tshìm-tó yún-yén ke sâng-miang; khì-sṳ̍t Sṳn-kîn ya-he vi Ngài tso-tsṳn ke.
約 5:40Ngì-têu yu m̀ ngien lòi tshiu-khiun Ngài lòi tet sâng-miang.
約 5:41 “Ngài m̀ tsuî-khiù ngìn lòi tshṳ̂-tsan.
約 5:42Tsúng-he Ngài tui ngì-têu tshin liáu-kié, tî ngì-têu tshṳ-kâ sîm-tsûng mò Song-ti ke oi.
約 5:43Ngài he fung Ngâ Â-pâ ke miàng lòi, ngì-têu yu mò tsiap-na̍p Ngài; yû phe̍t-ngìn fung tshṳ-kâ ke miàng lòi, ngì fán-tsón tsiap-na̍p kì.
約 5:44Ngì-têu pí-tshṳ́ tui ngì-têu tshṳ-kâ tsiap-su tsan-mî, tsúng-he m̀ khiù tui thu̍k-yit-vù-ngi ke Song-ti ke-vi lòi ke tshṳ̂n-tsan,ngì-têu tshiu ngióng-tet voi sin Ngài nò?
約 5:45Mo̍k ngin-vì Ngài oi tshai Â-pâ mien-tshièn lòi ko ngì-têu; oi ko ngì-têu ke, tsit-he Mô-sî, he ngì-têu só ngióng-mong ke.
約 5:46Ká-sṳ́ ngì-têu yû sin Mô-sî, tshiu pit-thin sin Ngài; yîn-vi kì-ke sû yû ki-tsai Ngài-ke sṳ.
約 5:47Tsúng-he ngì-têu ki-yèn m̀ sin kì-ke sû, ngióng-voi sin Ngài-ke fa?