《油桐花ke思念》

 | | | 轉寄

Ngìn-sên thi-thù ...人生地圖

作者 Hiû Yit-fàm....邱一帆 2010.08.22

Thi-thù tshai tshṳ-kâ ke ngó-hói tsûng

地圖在自家ke腦海中

kiûng-hí

弓起

lî-sin lâu kám-tshìn ke yi̍t-kap

理性lâu感情ke翼胛

fî-yiòng

飛揚

tshai hî-mong ke thiên-táng-kô

在希望ke天頂高

Ngài tai-tén yúng-kám

Ngài帶等勇敢

mien-tui pot-fûng-lo̍k-suí

面對發風落水

ngài tai-tén kûng-ngi

Ngài帶等公義

ki-tshie̍t sià-ngìn ke khûng-thèu

拒絕遐人ke空頭

van-suí-tshiên-sân

萬水千山


Thi-thù tshai tshṳ-kâ ke sîm-kôn-tú

地圖在自家ke心肝肚

khôi-tsán

開展

kám-tshìn thùng lî-sin ke sûng-sú

感情同理性ke雙手

tá-piang

打拼

tshai hî-mong ke ngìn-sṳ-kiên

在希望ke人世間

ngài khon-tó lî-sióng

ngài看著理想

tshiu tshai tshiâng-sân tsṳ̂-tsûng

就在青山之中

ngài khon-tó hen-fuk

Ngài看著幸福

tshiu tshai liu̍k-suí tsṳ̂-kiên

就在綠水之間

yit-sṳ-yit-sên

一世一生