《油桐花ke思念》

 | | | 轉寄

Hàng-tsón hòn-ya ke sân-lu-hong...行轉寒夜ke山路項

作者 Hiû Yit-fàm....邱一帆 2010.08.08

Ám-ya ke hòn-fûng

暗夜ke寒風

tshôi-siáng-liàu tsiu-tsui ke sîm-thèu

吹醒了酒醉ke心頭

Fông-yâ ke ngie̍t-kông

荒野ke月光

tshîn-tshú yin-tseu

清楚映照

Kiok-hâ tshái-tshái-tha̍p-tha̍p ke sṳ̂n-yiáng

腳下踩踩踏踏ke身影

tshiu-tshiong yû-yû-yâ-yâ

就像遊遊野野

tshìm-m̀-tó thin-thia̍p ôn-sṳ̂n ke kû-fùn-yâ-kuí

尋m̀著定疊安生ke孤魂野鬼


sân-nà thèn-m̀-tó tû-sṳ ke tsiet-tseu

山林跈m̀著都市ke節奏

tsú-siên khiên-m̀-tsòn heu-sâng ke lìn-fùn

祖先牽m̀轉後生ke靈魂


Ló-ngìn-kâ ke yen-than tshòng-tshòng

老人家ke怨嘆 長長

piên-tsṳt-tshut muk-ngiap-ngiap ke kông-kín

編織出目ngiap-ngiap ke光景

heu-sâng-ngìn ke lî-sióng khûng-khûng

後生人ke理想 空空

pâu-tsông-tshut vû-sò-sò ke vi-lòi

包裝出烏疏疏ke未來


Am-ya ke hòn-fûng

暗夜ke寒風

tshôi-siáng-liàu tsiú-tsui ke sîm-thèu

吹醒了酒醉ke心頭

kám yû-fap-thu ngi̍p-lòi tshîn-siáng

敢有法度入來清醒

Tshṳ-kâ ke vùn-fa

自家ke文化

Sîm-lìn

心靈