《油桐花ke思念》

 | | | 轉寄

Tshó-thi ke sâng-yîm.... 草地ke聲音

作者 Hiû yit-fàm....邱一帆 2009.05.10

M̀ he yû ngìn kóng ko──
毋係有人講過──
Se-se luî ke hà-kûng-kia̍p fa
細細蕊ke蝦公夾花
Me yû tsiâng-tsiâng ke sṳ̂n-tsông
乜有靚靚ke身裝
Khon m̀ sông-nién ke tshâ-tshièn-tshó
看毋上眼ke車前草
Me yû kám-thung ke yáng-siong
咩有感動ke影像

Ngióng-voi
樣會
Tshṳn-fú ke kuai-sú
政府ke怪手
Tsúng-hau yá-tséu
總好扡走
Sên-miang ke nài-phì
生命ke泥肥
Tsai thùn-sông lâng-siet-siet ke nài-suí
再囤上冷雪雪ke泥水
Lòi mân-tsiuk
來滿足
Kî-hái-fa ke ngìn-lui
機械化ke人類

Ngióng-voi
樣會
Tshṳn-fú ke vâi-tsoi
政府ke歪嘴
Tsúng-hau ô-nó
總好阿腦
Phong-fûng ke kien-sat
蚌風ke建設
Tsai tsan-yòng tsok-táng-kô ke sû-ngi̍p
再讚揚桌頂高ke收入
Lòi tsông-nêm
來裝淰
Sîm-kôn-tú ke khûng-hî
心肝肚ke空虛

M̀ he yû ngìn kóng ko
毋係有人講過──
Se-se-tsak ke thòng-phûng-é
細細隻ke糖蜂仔
Me yû hung-hung-kún ke kô-sâng
乜有哼哼滾ke歌聲
Mî tshòng-tshòng ke yòng-mî-é
尾長長ke揚尾仔
Me yû fa̍t-thiau-thiau ke sṳ̂n-yáng
咩有活跳跳ke身影