《油桐花ke思念》

 | | | 轉寄

a-mê ke hàm-tshoi...阿姆ke鹹菜

作者 Hiû-yit-fàn...邱一帆 2008.08.21

Ke-ngit
該日
tshiu tshiong vông-pái khiung-yong
就像往擺共樣
ti sû-tûng ko-heu ke thièn-teu-tú
ti收冬過後ke田竇肚
â-mê yung sîm-hiet
阿姆用心血
tsung-hâ yit-hòng yit-hòng ke kie-tshoi
種下一行一行ke芥菜

Ke-ngit
該日
tshiu tshiong vông-ngièn khiung-khuán
就像往年共款
ti ngit-thèu sai-tén ke thièn-teu-tú
ti日頭曬等ke田竇肚
â-mê yung hon-suí
阿姆用汗水
lìm-tshut-liáu yit-thèu yit-thèu ke thai-tshoi
淋出了一頭一頭ke大菜

Tsô-pû-ngit
昨晡日
vuk-khâ-ngìn yû kì-fi
屋家人有機會
vì yit-kgien5 thûng-sîm ke yèn
圍一圈同心ke圓
tshô-hâ-lòi
坐下來
tsit-tshut yit-kon yit-kon ke nun-hàm-tshoi
窒出一罐一罐ke嫩鹹菜

Kîm-pû-ngit
今晡日
vuk-khâ-ngìn yû ôn-phài
屋家人有安排
vì yit-ke mî-mân ke yèn
圍一ke美滿ke圓
tshông-hâ-lòi
坐下來
kiap-hí yit-phì yit-phì ke tshòng-ngièn-tshoi
夾起一皮一皮ke長年菜

Thiên-kông-ngit
天光日
vuk-khâ-ngìn tshin sióng-mong
屋家人盡想望
vi yit-sên-ngìn lò-luk ke â-mê
為一生人勞碌ke阿姆
ngi̍p-lo̍k yit-âng yit-âng ke hiông-phuk-tshôi
入落一盎一盎ke香覆菜